08.11.2024 | 10:57
Քննարկվել են հայ-ամերիկյան հարաբերություններն ու Հարավային Կովկասում զարգացումները
AstraZeneca-ի պատվաստանյութի անվտանգության հարցն այսօր կքննարկվի ԱՀԿ-ում
Քաղաքականություն
16.03.2021 | 11:22
Առողջապահության համաշխարհային կազմակերպությունն ու Դեղորայքների եվրոպական գործակալությունը կոչ են արել շարունակել օգտագործել AstraZeneca ընկերության արտադրած պատվաստանյութը՝ հայտարարելով, որ դրա օգուտը գերազանցում է բոլոր հնարավոր ռիսկերը։
Վերջին օրերին միանգամից մի քանի երկրներ, այդ թվում՝ Գերմանիան, Իտալիան ու Ֆրանսիան դադարեցրել են պատվաստումները՝ պատվաստվածների մոտ թրոմբոզի առաջացման մասին հայտարարությունից հետո։
Պատվաստանյութի անվտանգության հարցն այսօր կքննարկվի ԱՀԿ ու Դեղերի եվրոպական կարգավորիչի հատուկ նիստին, գրում է BBC-ի ռուսական ծառայությունը։
Պատվաստանյութի ու թրոմբի առաջացման միջև կապի ապացույցներ նախկինի նման չկան։
«Այս փուլում մենք այդ դեպքերի ու պատվաստումների միջ կապ չենք տեսնում։ Մենք խորհուրդ ենք տալիս պրեպարատն օգտագործել պատվաստման համար»,- այս մասին երկուշաբթի օրը հայտարարել է ԱՀԿ գլխավոր գիտաշխատող Սումյա Սվամինատանը։
Տաթև Ֆռանգյան
