27.11.2024 | 22:49
Երևանի քաղաքապետն այցելել է Լոս Անջելեսի տրանսպորտի կառավարման կենտրոն
Բայդենը հուսով է՝ ԱՄՆ-ը հուլիսի 4-ը կնշի նաև որպես Covid-19-ից «անկախանալու» օր
Քաղաքականություն
12.03.2021 | 16:38
ԱՄՆ նախագահ Ջո Բայդենը հույս է հայտնել, որ եթե մարդիկ պատվաստվեն կորոնավիրուսի դեմ, ապա Ամերիկան հուլիսի 4-ին կկարողանա նշել նաև Covid-19-ից «անկախանալու» օրը. գրում է BBC news-ը։
Նշենք, որ այդ օրը՝ հուլիսի 4-ին, նշվում է Միացյալ Նահանգների պետական և ազգային տոներից մեկը՝ Անկախության օրը:
Բայդենը՝ որպես ԱՄՆ նախագահ, իր առաջին ելույթում հայտարարել էր, որ կպահանջի ԱՄՆ բոլոր նահանգների ղեկավարներից՝ ապահովել բոլոր չափահասներին պատվաստանյութով՝ մինչև ս.թ. մայիսի 1-ը։
Այժմ պատվաստելիս առաջնահերթությունը տրվում է մեծահասակներին ու առողջական խնդիրներ ունեցող անձանց:
Հավելենք, որ ԱՄՆ-ում համավարակի մեկնարկից ի վեր մահացել է կես միլիոն մարդ, ինչն ավելին է քան Առաջին ու Երկրորդ Համաշխարհային պատերազմների ու Վիետնամի պատերազմի զոհերի թիվը միասին վերցված։
Այժմ ԱՄՆ-ում փակ են դպրոցները, բիզնես գործունեությունը, իսկ մարդիկ մեկուսացած են։
Տաթև Ֆռանգյան
