17.02.2026 | 14:18
Ժնևում մեկնարկել է ԱՄՆ-ի և Իրանի բանակցությունների երկրորդ փուլը
Էրդողանն ու Պուտինը մասնակցում են «Աքքույու» ատոմակայանի 3-րդ էներգաբլոկի հիմնարկեքի արարողությանը
Քաղաքականություն
10.03.2021 | 17:05
Թուրքիայում այսօր կազմակերպվել է «Աքքույու» ԱԷԿ-ի երրրորդ էներգաբլոկի հիմնարկեքի արարողությունը։ Արարողությանը տեսակոնֆերանսի ձևաչափով մասնակցում են նաև Թուրքիայի նախագահ Ռեջեփ Թայիփ Էրդողանն ու ՌԴ նախագահ Վլադիմիր Պուտինը։
«Աքքույու» ԱԷԿ-ի առաջին էներգաբլոկի հիմքը դրվել էր Մերսին նահանգի Գյուլնար շրջանում 2018 թվականի ապրիլի 3-ին, երկրորդ էներգաբլոկինը՝ 2020-ի ապրիլին։ Երրորդ էներգաբլոկի կառուցման լիցենզիան տրվել է անցյալ տարի նոյեմբերին։
Նշենք նաև, որ Ռուսաստանի ու Թուրքիայի միջև Մերսինում «Աքքույու» ատոմակայանի կառուցման, շահագործման մասին համաձայնագիրը ստորագրվել է 2010 թվականին։ Թուրքական առաջին ԱԷԿ-ի ծրագիրն իր մեջ ներառում է 4 էներգաբլոկ՝ ВВЭР-1200 ռեակտորներով, 4800 մեգավատտ հզորությամբ։ Առաջին էներգաբլոկը նախատեսվում է շահագործման հանձնել 2023 թվականին, մյուսները՝ մինչև 2026 թվականը՝ մեկ տարի ընդմիջումներով։
Ընդհանուր առմամբ, սպասվում է, որ ԱԷԿ-ը տարեկան 35 մլրդ կիլովատտ/ժամ էլեկտրաէներգիա է արտադրելու, որը բավարարելու է Թուրքիայի ներքին պահանջարկի 10 տոկոսը։
Էմմա Չոբանյան
