11.10.2026 | 23:33
Հակոբ Շարբաթյանը՝ բռնցքամարտի Եվրոպայի Մ-17 չեմպիոն. ՏԵՍԱՆՅՈՒԹ
Թուրքիայում ՌԴ դեսպանի սպանության գործով 5 մեղադրյալները դատապարտվել են ցմահ ազատազրկման
Քաղաքականություն
09.03.2021 | 20:16
Անկարայի առանձնակի ծանր հանցագործությունների երկրորդ քրեական դատարանը ցմահ ազատազրկման է դատապարտել Թուրքիայում ՌԴ դեսպան Անդրեյ Կառլովի սպանության գործով 5 մեղադրյալներին, գրում է Ինտերֆաքսը։
Պարզաբանվում է, որ 3 մեղադրյալները դատապարտվել են երկուական ցմահ ազատազրկման, իսկ երկուսը՝ մեկական։
Հիշեցնենք՝ Կառլովի վրա հարձակումը տեղի էր ունեցել 2016 թվականի դեկտեմբերի 19-ին, լուսանկարների ցուցահանդեսի բացման արարողությանը ելույթ ունենալու ժամանակ, որը կազմակերպվել էր Անկարայում ՌԴ դեսպանության ու Անկարայի քաղաքապետարանի համատեղ ջանքերով։ Ռուս դիվանագետը ստացած վիրավորումից մահացել էր։
Դեսպանի վրա կրակած Թուրքիայի անվտանգության ծառայության աշխատակից Մևլյութ Ալթընթաշը գնդակահարվել էր հանցագործության վայրում։
Տաթև Ֆռանգյան
