08.11.2024 | 13:45
Մինչև տարեվերջ շահագործման կհանձնվի Ծովագյուղի երիտասարդական կենտրոնը
98 զոհ ու 615 վիրավոր․ հայտնի է Հասարակածային Գվինեայում գրանցված դինամիտի պայթյունի պատճառը
Քաղաքականություն
09.03.2021 | 14:11
Հասարակածային Գվինեայում պայթյունների շարքի հետևանքով զոհերի թիվը հասել է 98-ի։ Ավելի քան 615 մարդ վիրավորվել է, 299-ը դեռևս գտնվում է հիվանդանոցում, գրում է BBC news-ը։
Բատա քաղաքի ռազմաբազաներից մեկում գրանցված պայթյունի համար պաշտոնյաները մեղադրել են դինամիտի պահեստավորում իրականացնողներին, նաև տեղեկացվում է, որ պահեստների մոտակայքում ֆերմերները կոճղեր են այրել:
Որոնողական աշխատանքների արդյունքում երեք ողջ մնացած մանկահասակ երեխա է հայտնաբերվել և տեղափոխվել հիվանդանոց: «Քաղաքի գրեթե բոլոր շենքերն ու տները կրել են «հսկայական վնասներ», – ասել է երկրի նախագահ Թեոդորո Օբիանգ Նգուեման:
Նախագահ Օբիանգ Նգուեման հայտարարել է, որ պայթյունները տեղի են ունեցել «Նկոանտոմա» ռազմաբազայում «դինամիտի և պայթուցիկների պահեստների խնամքի և պաշտպանության համար պատասխանատու ստորաբաժանման անփութության պատճառով»:
Տաթև Ֆռանգյան
