27.11.2024 | 22:49
Երևանի քաղաքապետն այցելել է Լոս Անջելեսի տրանսպորտի կառավարման կենտրոն
Հռոմի պապը կոչ է արել հարգել ու պաշտպանել կանանց
Քաղաքականություն
08.03.2021 | 18:44
Հռոմի պապ Ֆրանցիսկոսը, որն այսօր վերադարձել է Իրաք կատարած պատմական ուղևորությունից հետո, կոչ է արել հարգել ու պաշտպանել կանանց։
«Ցանկանում եմ սրտագին շնորհակալություն ասել բոլոր կանանց, հատկապես Իրաքի կանանց, համարձակ կանանց, որոնք շարունակում եմ կյանք տալ, չնայած բռնությանն ու վերքերին։ Թող որ կանանց հարգեն ու պաշտպանեն։ Թող նրանք ուշադրության արժանանան ու նրանց առջև նոր հնարավորություններ բացվեն»,- թվիթերի իր միկրոբլոգում գրել է պանտիֆիկը։
Այսպիսով, Կանանց միջազգային օրը Հռոմի պապ Ֆրանցիսկոսը կրկնեց այն խոսքերը, որոնք արտաբերել էր կիրակի օրը՝ ելույթ ունենալով Իրաքի Կարակոշ քաղաքի քրիստոնյաների առջև, որոնք շատ են տուժել ԻՊ զինյալներից։
Տաթև Ֆռանգյան
