04.05.2024 | 15:48
Կարո՞ղ է պարզվի՝ մեր պատմությունը կայսերական պատմություն է՝ գրված ծայրագավառի ժողովրդի համար․ Փաշինյան․ ՏԵՍԱՆՅՈՒԹ
Ադրբեջանում անարգել են պատերազմում զոհվածների գերեզմանները
Քաղաքականություն
08.03.2021 | 15:30
Սոցցանցերի ադրբեջանական տիրույթում նախօրեին տեղեկություններ ու տեսանյութեր տարածվեցին Բաքվի «Շեհիդների պուրակից», որոնցում ցուցադրվում էր, թե ինչպես են անարգվել Արցախյան պատերազմում զոհված ադրբեջանցի զինվորների գերեզմանները։ Մասնավորապես, կադրերում երևում է, որ որոշ գերեզմաններ քանդվել են, զոհվածների լուսանկարները, շիրիմներին դրված պսակները՝ այս ու այն կողմ շպրտվել։
Ավելի ուշ տեղեկություններ տարածվեցին, որ պատկան մարմիններն արձագանքել են՝ կարգի բերելով գերեզմանները։ Հայտնի չէ, սակայն, թե ովքեր են անկարգությունների հեղինակները։
Ի դեպ՝ օրերս Ադրբեջանում նման ևս մեկ դեպք էր տեղի ունեցել, այս անգամ՝ Գյանջայում։ Տեղի «Շեհիդների պուրակում» զոհվածների շիրիմներին տեղադրված երկրի դրոշի գույներով ժապավեններն ու ծաղկեպսակները հավաքել և աղբամաններն էին նետել։
Էմմա Չոբանյան
