14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Նոր պատժամիջոցներ են լինելու. պատգամավորները մեկնել են Ծաղկաձոր՝ նոր նախագիծ քննարկելու
Քաղաքականություն
05.03.2021 | 21:43
Ազգային ժողովի պետաիրավական հարցերի մշտական հանձնաժողովի պատգամավորները որոշել են հանգստյան օրերն անցկացնել Ծաղկաձորում։ Նրանք քննարկելու են Քրեական դատավարության օրենսգրքի նոր նախագիծը։ Տեղեկությունը Factor.am-ի հետ զրույցում փոխանցեց «Իմ քայլը» խմբակցություն պատգամավոր Նիկոլայ Բաղդասարյանը։
«Նոր օրենսգիրք է լինելու, նոր պատժամիջոցներ, նոր ինստիտուտներ։ Նոր օրենսգիրքը նոր կոնցեպտներ է նախատեսում տուգանքների, ժամանակավոր կալանքի և ազատազրկման հետ կապված։ Վերանում են որոշ պատժամիջոցներ»,- ասաց պատգամավորը՝ նշելով, որ նախագիծն արդեն առաջին ընթերցմամբ ընդունվել է ԱԺ-ի կողմից։
Բաղդասարյանը նշեց, որ քննարկման ծախսերը հոգալու է միջազգային կազմակերպություններից մեկը։
Նարեկ Կիրակոսյան
