17.09.2026 | 18:59
Թուրք ընդդիմադիր պատգամավորը Հայաստան-Թուրքիա սահման է այցելել և կոչ է արել բացել այն
Ամերիկացի բժիշկները Moderna-ի պատվաստանյութի նոր կողմնակի ազդեցություն են հայտնաբերել
Քաղաքականություն
05.03.2021 | 15:27
Moderna ընկերության կորոնավիրուսի դեմ պատվաստանյութի կիրառումը կարող է մաշկային բորբոքում առաջացնել առաջին պատվաստումից ավելի քան 10 օր անց։ Այս մասին ասվում է New England Journal of Medicine պարբերականում հրապարակված հոդվածում, գրում է ՌԻԱ Նովոստին։
«Մենք հաղորդում ենք համանման ռեակցիաներով 12 հիվանդների մասին, բոլոր դեպքերում ալերգիկ ռեակցիան հայտնվել է ներարկման վայրի կողքին՝ տեղային ու համակարգային սիմպտոմների լիարժեք ներծծումից հետո»,-հայտնել են ամերիկացի բժիշկները։
Միջինում ցանավորումը հայտնվում է առաջին չափաբաժնի ներարկումից հետոր 8-րդ օրը, սակայն այն իր ողջ ծավալով դրսևորվում է 4-ից 11 օրերի ընթացքում։
Չնայած առաջացած խնդիրներին, բժիշկները համոզել են պացիենտներին պատվաստվել երկրորդ դեղաչափով ու ավարտել իմունիզացիան։ Երկրորդ պատվաստումից հետո միայն 3 մարդու մոտ է ի հայտ եկել նույն ինտենսիվությամբ մաշկային բորբոքում, 3-ի մոտ ռեակցիան ավելի մեղմ է եղել, մնացած 6-ը՝ երկրորդ պատվաստումը առանց կողմնակի ազդեցությունների են տարել։
Հավելենք, որ Moderna-ի պատվաստանյութը Pfizer/BioNTech և AstraZeneca ընկերությունների պատվաստանյութերի հետ մեկտեղ արդեն իսկ օգտագործվում է ԵՄ շուկայում։
Հիշեցնենք, որ Moderna ընկերության համահիմնադիրներից է ամերիկահայ գործարար ու բարերար Նուբար Աֆեյանը։
Տաթև Ֆռանգյան
