19.02.2026 | 11:53
Ոչ մի ճանապարհ չի կարող փոխարինել Վրաստանի եզակի ռազմավարական դերին. Թբիլիսին՝ ՀՀ-Ադրբեջան ճանապարհային նախագծերի մասին
Արայիկ Հարությունյանը հանդիպել է Արցախի կադաստրի և պետական գույքի կառավարման կոմիտեի պատասխանատուներին
Տնտեսություն
04.03.2021 | 22:48
Արցախի Հանրապետության նախագահ Արայիկ Հարությունյանը մարտի 4-ին հանդիպում է ունեցել Արցախի կադաստրի և պետական գույքի կառավարման կոմիտեի պատասխանատուների հետ։ Այս մասին տեղեկացնում են նախագահի աշխատակազմի տեղեկատվության գլխավոր վարչությունից:
Հանդիպմանը, որին մասնակցում էր կոմիտեի նախագահ Կարեն Շահրամանյանը, քննարկվել են պատերազմի հետևանքներին, առկա սոցիալ-տնտեսական, ներքին ու արտաքին քաղաքական և անվտանգային մարտահրավերներին վերաբերող հարցեր:
Անդրադառնալով Կառավարության ծրագրերին՝ Հարությունյանը նշել է, որ ի լրումն նախապատերազմյան շրջանի խնդիրների՝ այսօր բազմակի ջանքեր են պետք ստեղծված իրավիճակի հետևանքները վերացնելու համար: Կարևորելով կառույցի դերը պետական գույքի կառավարման և բնակարանաշինության մեծածավալ ծրագրերի իրականացման գործում՝ Արայիկ Հարությունյանն ընդգծել է, որ բոլոր աշխատակիցների կողմից ակնկալում է առավելագույն քրտնաջան, պատասխանատու, թափանցիկ և արդյունավետ աշխատանք:
Հանդիպման ընթացքում Հանրապետության նախագահը նաև պատասխանել է մասնակիցներին հուզող հարցերին:
