19.11.2024 | 16:35
Գամփռին դաժան վերաբերմունքի են արժանացրել․ պահանջում ենք պաշտպանել կենդանիների իրավունքները․ ՏԵՍԱՆՅՈՒԹ
Վանեցյանի ազդեցությունը պահպանվե՞լ է Ձեզ վրա․ Քոչարյանը՝ Վարդազարյանին. ՏԵՍԱՆՅՈՒԹ
Քաղաքականություն
03.03.2021 | 15:40
«Նոյեմբերի 15-ի ձեր հայտարարությունը վնասել է ՀՀ ներքին անվտանգությունն ու կայունությունը»,- խորհրդարանում դիմելով ԲԴԽ նախագահ Ռուբեն Վարդազարյանին՝ այս մասին ասաց ԱԺ «Իմ քայլը» խմբակցության պատգամավոր Անդրանիկ Քոչարյանը:
Պատգամավորը հետաքրքրվեց, թե պահպանվե՞լ են արդյոք ԱԱԾ նախկին պետ Արթուր Վանեցյանի հետ ընկերական հարաբերությունները, և այդ հարաբերությունները ազդո՞ւմ են Վարդազարյանի պրոֆեսիոնալ գործունեության վրա, թե՞ ոչ:
«Կարծում եմ, որ ձեր պաշտոնավարման հետագա ընթացքում դուք պետք է հեռու պահեք դատական համակարգը նման ցնցումներից»,- նշեց Քոչարյանը:
«Իմ կոչով ես նպաստել եմ և՛ ներքին կայունությանը, և՛ անվտանգությանը, և՛ դատական իշխանությանը զերծ եմ պահել քաղաքական ազդեցություններից:
Ինչ վերաբերում է Վանեցյանի հետ մեր ընկերությանը, այն սկսվել է 90-ականներին, երբ ես աշխատում էի Կառավարությունում, իսկ Վանեցյանը ուսանող էր, և այդ հարաբերությունները շարունակվել են մինչ օրս: Ընկերական հարաբերությունները պահպանվել են: Այդ ընկերությունը մնացել է և հուսով եմ՝ կայուն մնալու է»,- նշեց ԲԴԽ նախագահը:
Վարդազարյանն ընդգծեց, որ Արթուր Վանեցյանն իր մասնագիտական գործունեության վրա ազդեցություն չի ունեցել, չունի և չի ունենա:
Մանրամասները՝ տեսանյութում:
