11.10.2026 | 23:33
Հակոբ Շարբաթյանը՝ բռնցքամարտի Եվրոպայի Մ-17 չեմպիոն. ՏԵՍԱՆՅՈՒԹ
ԵՏՀ-ն առաջարկում է թույլատրել մուտքը ԵՏՄ` կորոնավիրուսի նկատմամբ հակամարմինների առկայության վկայագրով
Քաղաքականություն
02.03.2021 | 18:34
Եվրասիական տնտեսական հանձնաժողովը (ԵՏՀ) առաջարկում է Եվրասիական տնտեսական միության (ԵՏՄ) տարածք թույլատրել մուտք գործել այն անձանց, որոնք ունեն IgG հակամարմինների առկայության սերտիֆիկատ կամ կորոնավիրուսի բացասական ՊՇՌ թեստ: Այս մասին նշված է ուղևորափոխադրումների վերսկսման ժամանակ կանխարգելիչ միջոցառումների վերաբերյալ ուղեցույցի նախագծում, գրում է ՏԱՍՍ-ը:
«Օդանավով արտերկրից ժամանող անձինք, բացառությամբ անդամ պետության [ԵՏՄ] օրենսդրությամբ սահմանված անձանց, պարտավոր են տրամադրել կամ դրական լաբորատոր փորձարկման արդյունքներով IgG հակամարմինների հետազոտության սերտիֆիկատ, որը տրվել է անդամ պետության պետական սահմանը հատելու պահից ոչ ավելի քան վեց ամիս առաջ կամ COVID-19 կորոնավիրուսային ինֆեկցիայի ՊՇՌ եղանակով արված բացասական արդյունքով բժշկական տեղեկանք, որը տրվել է անդամ երկրի պետական սահմանը հատելուց ոչ ավելի քան 72 ժամ առաջ», – նշված է նախագծում:
Համապատասխան փաստաթղթերի բացակայության դեպքում առաջարկվում է ԵՏՄ ժամանող անձանց թեստավորման ուղարկել` ինքնամեկուսացման ռեժիմը պահպանելու անհրաժեշտությամբ` մինչ արդյունքների ստացումը: Շնչառական վարակների նշաններ ունեցող քաղաքացիները կարող են հոսպիտալացվել մինչև կորոնավիրուսի հետազոտության արդյունքները ՝ անկախ վկայականի առկայությունից:
Տաթև Ֆռանգյան
