18.12.2025 | 21:10
Թուրքիան հերքում է անհայտ ԱԹՍ-ի խոցումից հետո ՀՕՊ-ի թուլության մասին պնդումները
«Իմ քայլը» ցանկանում է ԳՇ-ն մտցնել ՊՆ-ի մեջ, նախագիծ են մշակում. Էդմոն Մարուքյան. ՏԵՍԱՆՅՈՒԹ
Քաղաքականություն
02.03.2021 | 14:10
Գնալով համոզվում եմ, որ կառավարման կիսանախագահական համակարգն ավելի ճիշտ է: Մենք այդպես էլ չանցանք խորհրդարանական համակարգի, այլ անցանք սուպերվարչապետական համակարգի, որը տապալեց ամեն ինչ: Այս մասին այսօր ԱԺ-ում լրագրողների հետ զրույցում նշեց «Լուսավոր Հայաստան» խմբակցության ղեկավար Էդմոն Մարուքյանը:
«Եթե իմ պատկերացրած կիսանախագահականի մասին է խոսքը, չեմ բացառում, որ դա ճիշտ քայլ կարող է դիտարկվել: Բայց մի կարևոր հանգամանք կա՝ ո՞վ է անում այդ հանրաքվեն, որովհետև հանրաքվեի ժամանակ մեզ պետք է ավելի քան 600 հազար «կողմ» քվե: Եթե դա անի այս իշխանությունը՝ հղի է տապալմամբ: Այսինքն՝ լավ գաղափարը կարող է հանրաքվեով տապալվել, որովհետև այդքան «կողմ» քվե անհնար է ահավաքել: ՀՀ-ում սահմանադրական բոլոր հանրաքվեները կեղծվել են»,- ասաց Մարուքյանը:
Հարցին, թե ինչո՞ւ է Փաշինյանն ուզում կիսանախագահական կառավարման համակարգի անցնել, Մարուքյանն ասաց՝ վարչապետը կախվածության մեջ է խորհրդարանական պատգամավորներից և այդ կախվածությունն ուզում է վերացնել:
«Չի ուզում կախվածություն ունենա, որ, օրինակ, մեկը չգնա, ասի՝ հորոխպորս տղուն կադաստրի պետ դիր, որ չանցնեմ «Լուսավորի» կողմը…», – ասաց պատգամավորը:
Էդմոն Մարուքյանի տեղեկություններով՝ «Իմ քայլի» որոշ անդամներ սահմանադրական փոփոխություններ են նախաձեռնում, որ Գլխավոր շտաբը մտցնեն Պաշտպանության նախարարության մեջ: Ըստ Մարուքյանի՝ դա առանց հանրաքվեի անել հնարավոր չէ։
Մանրամասները՝ տեսանյութում:
