19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
Եթե վարչապետը պատրաստ է իր կամակորության համար պետականությունը վարի տալ, չեմ կարող իրեն հասկանալ. Տարոն Սիմոնյան. ՏԵՍԱՆՅՈՒԹ
Քաղաքականություն
02.03.2021 | 13:18
Խորհրդարանի լուծարման դեպքում «Լուսավոր Հայաստան» խմբակցությունը վարչապետի թեկնածու չի առաջադրի: Այս մասին Ազգային ժողովում լրագրողների հետ ճեպազրույցում ասաց ԼՀԿ խմբակցության անդամ Տարոն Սիմոնյանը՝ հավելելով, որ պատրաստ են այդ մասին հայտարարություն կամ հուշագիր ստորագրել և գնալ արտահերթ ընտրությունների:
Պատգամավորի գնահատմամբ՝ այսպիսի աննախադեպ իրավիճակ չի ստեղծվել մեր պետականության պատմության ամբողջ ընթացքում: «Բանակի բարձրագույն սպայակազմի մեծ մասը պահանջում է վարչապետի հրաժարականը, ուրեմն այնպիսի խոր հակասություն կա բանակի բարձրաստիճան սպայակազմի և գործադիրի միջև, որ անհաղթահարելի են համարում: Այս իրավիճակում մենք առկա մարտահրավերներին չենք կարող արձագանքել: Ի՞նչ անենք, կամակորություն դրսևորե՞նք, արդյունքում պետականություն կորցնե՞նք: Պետք է ողջախոհություն ունենալ: Եթե վարչապետը պատրաստ է իր անձնական կամակորության հետևանքով պետականությունը վարի տալ, ես այդ մարդուն չեմ կարողանում հասկանալ բարոյապես»,- նշեց Սիմոնյանը:
Մանրամասները՝ տեսանյութում:
