17.09.2026 | 15:10
Փաշինյանը՝ ռուսական ռազմաբազայի դուրսբերման մասին // Գերմանիան ՀՀ ՊՆ-ին ձնագնացներ է նվիրել․ ԼՈՒՐԵՐ
Նիկոլա Սարկոզին դատապարտվել է 3 տարվա ազատազրկման, որից 2-ը՝ պայմանական
Քաղաքականություն
01.03.2021 | 17:42
Ֆրանսիայի նախկին նախագահ Նիկոլա Սարկոզիին Փարիզի դատարանն այսօր մեղավոր է ճանաչել կոռուպցիայի և ազդեցության վաճառքի շրջանակներում, այսպես կոչված «գաղտնալսման գործով» և նրան դատապարտել 3 տարվա ազատազրկման, որոնցից 2-ը պայմանական։ Այսպիսով Սարկոզին դարձել է ժամանակակից Ֆրանսիայի պատմության մեջ երկրորդ ղեկավարը, որը մեղավոր է ճանաչվում կոռուպվիայի համար, գրում է Reuters-ը։
Հիշեցնենք, որ Սարկոզին մեղադրվում էր նաև կոռուպցիայի, հանրային միջոցների յուրացման և ապօրինի կերպով ձեռք բերված միջոցներ պահելու համար: Նա մեղադրվում էր Լիբիայի նախկին առաջնորդ Մուամար Քադաֆիի կողմից իր նախընտրական արշավի ֆինանսավորման մեջ։
Լիբիայի իշխանությունները Ֆրանսիայի նախկին նախագահի նախընտրական արշավի ֆինանսավորման մասին հայտարարել էին 2011-ի մարտին: Մուամար Քադաֆիի որդին՝ Սեյֆ ալ-Իսլամը Սարկոզիից պահանջել էր ընդունել ֆինանսական օգնություն ստանալու փաստը:
Սարկոզին, սակայն, հերքում էր ներկայացված մեղադրանքը:
Տաթև Ֆռանգյան
