20.05.2026 | 18:03
«Կրասնոդարի» ֆուտբոլիստները ստացել են ՌՊԼ-ի արծաթե մեդալները․ ՏԵՍԱՆՅՈՒԹ
Իսրայելը ռմբակոծել է Դամասկոսի մերձակայքում իրանամետ ուժերի դիրքերը
Քաղաքականություն
01.03.2021 | 18:32
Իսրայելը ռմբակոծել է Սիրիայում՝ Դամասկոսի մերձակայքում իրանամետ ուժերի դիրքերը, ինչը շահարկումներ է հարուցել առ այն, որ ավիահարվածները եղել են ի պատասխան Օմանի ծոցում իսրայելական նավի՝ իբրև թե Իրանի կողմից հարձակմանը, գրում է Jerusalem Post-ը։
Սիրիական բանակը կիրակի երեկոյան հայտնել է, որ Իսրայելը թիրախավորել է հարավային Դամասկոսի որոշ հատվածներ՝ սաստկացնելով գրոհները, որոնք տարածաշրջանային հետախուզական աղբյուրների կարծիքով ՝ ուղղված են Իրանի հետ կապված ուժերի դեմ:
Համաձայն սիրիական բանակի տարածած հայտարարության՝ գրոհները իրականացվել են Գոլանի բարձունքներից։ Հրթիռների մեծ մասը ոչնչացվել են։ Նշվում է, որ սա վերջին մեկ ամսում նմանատիպ երկրորդ հարձակումն է Սիրիայի մայրաքաղաքի վրա։
Իսրայելի ՊՆ-ի հրաժարվել են մեկնաբանել այս լուրերը։
Տաթև Ֆռանգյան
