26.08.2026 | 23:30
Երևանում ապամոնտաժվել են ևս երկու ապօրինի կառույցներ. քաղաքապետարան
ՄԻՊ-ը, ԲԴԽ-ն, ԱԱԾ-ն, Ոստիկանությունը, ՓՊ-ն և այլ պատասխանատուներ քննարկել են առաջին ընթերցմամբ ընդունված «ՀՀ ՔՕ» նախագիծը
Քաղաքականություն
01.03.2021 | 11:26
ՀՀ ԱԺ-ից տեղեկացնում են, որ փետրվարի 26-28-ը ՀՀ ԱԺ պետական-իրավական հարցերի մշտական հանձնաժողովը ՄԱԿ-ի Զարգացման ծրագրի «Նոր Հայաստան՝ ժամանակակից խորհրդարան» ծրագրի հետ համատեղ արտագնա աշխատանքային քննարկում է կազմակերպել:
«Քննարկվեց ՀՀ կառավարության հեղինակած «ՀՀ քրեական օրենսգիրք» նախագիծը, որն Ազգային ժողովում արդեն ընդունվել է առաջին ընթերցմամբ:
Հանդիպմանը մասնակցեցին Մարդու իրավունքների պաշտպանի գրասենյակի, Բարձրագույն դատական խորհրդի, Ազգային անվտանգության ծառայության, քննչական մարմինների, Ոստիկանության, Փաստաբանների պալատի, Արդարադատության նախարարության, Դատախազության ներկայացուցիչներ եւ ոլորտի այլ պատասխանատուներ:
Նախագծի մշակման աշխատանքային խումբը իրավասու եւ շահագրգիռ մարմինների մասնակցությամբ բազմակողմանի քննարկեց օրենսգիրքը: Մինչ երկրորդ ընթերցումը, օրենսգրքի կատարելագործմանն ուղղված աշխատանքները կշարունակվեն»,- ասված է հաղորդագրությունում:
