29.04.2024 | 18:10
Ապրիլի 29-ի դրությամբ տեղադրվել է 35 սահմանային սյուն․ իրականցվել է նախատեսված աշխատանքների կեսից ավելին
Հայ ռազմագերիներին ազատ արձակեք՝ ես կհանձնվեմ. լեհ քաղաքական գործչի առաջարկն Ալիևին
Քաղաքականություն
01.03.2021 | 12:49
Լեհ քաղաքական գործիչ Թոմաշ Լեխ Բուչեկը դիմել է Ադրբեջանի նախագահ Իլհամ Ալիևին՝ նշելով, որ պատրաստ է հանձնվել հայ ռազմագերիներին ազատ արձակելու դիմաց։ Ինչպես Facebook սոցիալական կայքի իր էջում հայտնում է լեհ գործիչը, նման առաջարկով էլեկտրոնային նամակ է ուղարկել Իլհամ Ալիևին։
«Հանուն ճշմարտության, հավատի ու այլոց հանդեպ սիրո, հանուն մարդասիրության, առաջարկում եմ նախագահին, որ ես՝ Թոմաշ Լեխ Բուչեկը, փոխանակվեմ հայ ռազմագերիների հետ, որենք ձերբակալվել, նվաստացվել ու խոշտանգվել են Ադրբեջանում»,- Ալիևին ուղղված իր նամակում գրել է Բուչեկը։
Ավելի վաղ Բուչեկը հայտարարել էր, «աշխարհը պետք է քայլ անի Ադրբեջանում պահվող հայ ռազմագերիներին ազատելու համար: Ազատությո՛ւն գերիներին»:
Վերջինս նաև հանդես էր եկել Ադրբեջանի նախագահին Հաագայի դատարանում պատասխանատվության ենթարկելու պահանջով: Ամենաուշագրավն այն է, որ Բաքվից կապվել են Բուչեկի հետ և նրան առաջարկել են 50.000 դոլարի դիմաց դադարեցնել Ալիևի դեմ արշավը:
Տաթև Ֆռանգյան
