03.05.2024 | 23:30
Ինչու Էրդողանի Սպիտակ տուն այցը հիմա տեղի չի ունենա. անդրադարձ
Լևոն Արոնյանի նկատմամբ չկա մի պարտավորություն, որը ԿԳՄՍ-ն չի կատարել. նախարար. ՏԵՍԱՆՅՈՒԹ
26.02.2021 | 17:15
«Դա սպորտսմենի իրավունքն է` որոշել է, գնում է»,- այս մասին այսօր ԱԺ–ում, լրագրողների հետ զրույցում ասաց ԿԳՄՍ նախարար Լևոն Դումանյանը` մեկնաբանելով շախմատի գրոսմայստեր Լևոն Արոնյանի` Հայաստանը լքելու մասին որոշումը։
Նշենք, որ Շախմատի գրոսմայստեր Լևոն Արոնյանը Հայաստանը լքելու ու ԱՄՆ շախմատիստների թիմակիցը դառնալու որոշում է կայացրել, իր որոշման մասին նա հայտնել է ֆեյսբուքյան էջում։
Արոնյանի որոշման մեջ ԿԳՄՍ նախարարը ո՛չ իրեն, ո՛չ էլ Հայաստանի ներկա իշխանություններին մեղավոր չի համարում և զարմացած է շախմատիստի այդ որոշումից։
«Շատ ցավում եմ, որ Արոնյանը նման որոշում է կայացրել։ Շատ բարձր եմ գնահատում իր շախմատային նվաճումները, և մենք բոլորս հպարտացել ենք իր նվաճումներով, որ ներկայացրել է Հայաստանը։ Զարմացած եմ, որ նման որոշում է կայացրել Լևոնի նման շախմատիստը։ Ուրախ կլինեմ, որ վերանայի իր որոշումը և մնա մեր բոլորի կողքին»,- նշեց նախարարը:
«Չկա որևէ պաշտոնական պարտավորություն, որ նախարարությունն Արոնյանի նկատմամբ չի կատարել»,- ընդգծեց Դումանյանը՝ հավելելով, որ նախարարության բոլոր պարտավորությունները ոլորտի նկատմամբ նույնիսկ գերակատարված են:
Մանրամասները՝ տեսանյութում:
