01.08.2026 | 17:16
Փրկարարները նկուղից հեռացրել են մոտ 25 տոննա ջուր
ՊՆ հերքումը Նախիջևանի ուղղության մասին, ընդդիմության քայլերը ԱԺ ներսում և դրսում. Լուրեր
Քաղաքականություն
26.02.2021 | 12:22
ՊՆ-ն հերքում է Նախիջևանի հետ ՀՀ սահմանային հատվածում ադրբեջանական ԶՈՒ կողմից սադրանքների մասին տեղեկությունը: ՊՆ հաղորդագրության համաձայն՝ տարածվող տեղեկությունը չի համապատասխանում իրականությանը:
—
Արցախի նախագահ Արայիկ Հարությունյանը երեկ հանդիպումներ է ունեցել վարչապետ Նիկոլ Փաշինյանի և ԶՈՒ ԳՇ պետ Օնիկ Գասպարյանի հետ։ Հարությունյանի խոսնակը հայտնել է, որ Արցախի նախագահը շարունակում է չեզոքություն պահպանել և նրա միջնորդական ջանքերն ուղղված են ճգնաժամի հաղթահարմանը՝ սահմանադրական, խաղաղ ու քաղաքակիրթ եղանակներով:
—
Գիշերը Բաղրամյան պողոտայում՝ Ազգային ժողովի մոտ են անցկացրել Հայրենիքի փրկության շարժում նախաձեռնության համակիրները։ Առավոտյան գիշերակացի մասնակիցներին է այցելել նաև նախաձեռնության վարչապետի թեկնածու Վազգեն Մանուկյանը։ Շարժումը հայտարարություն է տարածել ու հայտնել, որ նախատեսում են այդ հատվածում հանրահավաք իրականացնել ժամը 13:00-ին։
