08.11.2024 | 11:07
Ադրբեջանի ԱԳՆ-ն հայտարարել է, թե չնայած ՀՀ-ի հետ բանակցությունների առաջընթացին, «կան որոշակի սպառնալիքներ»
ԱՄՆ-ն ավիահարվածներ է հասցրել Սիրիայում իրանամետ ուժերին պատկանող օբյեկտների․ Reuters
Քաղաքականություն
26.02.2021 | 10:42
ԱՄՆ-ն ավիահարվածներ է հասցրել Սիրիայում իրանամետ ուժերին պատկանող օբյեկտներին՝ ի պատասխան Իրաքում ամերիկյան դիրքերի հրթիռակոծմանը։ Այս մասին ԱՄՆ վարչակազմում, իր երկու աղբյուրներին հղում տալով, հայտնում է Reuters-ը։
Ինչպես հայտնել է գործակալությունը, ԱՄՆ նախագահ Ջո Բայդենը հավանություն է տվել ավիահարվածին։
Հիշեցնենք՝ փետրվարի 22-ին հրթիռակոծության էր ենթարկվել Բաղդադի, այսպես կոչված, կանաչ գոտին։ Ըստ Al Arabiya հեռուստաընկերության՝ առնվազն երեք հրթիռ է արձակվել քաղաքի այս հատվածի ուղղությամբ, որտեղ տեղակայված են պետական կառավարման մարմինները և արտասահմանյան դիվանագիտական ներկայացուցչությունները, այդ թվում ՝ ԱՄՆ դեսպանատունը: Երկու հրթիռ ընկել է գոտու ներսում, երրորդը՝ դրսում: Համաձայն տեղեկությունների՝ զոհեր չեն եղել:
Փետրվար ամսվա սկզբին հրթիռակոծության էր ենթարկվել նաև Իրաքյան Քրդստանի Էրբիլի օդանավակայանի այն տարածքը, որտեղ տեղակայված է ԱՄՆ զինված ուժերի կողմից օգտագործվող ռազմական բազան: Հարվածների հետևանքով զոհվել էր քաղաքացիական անձ, վիրավորվել՝ ամերիկացի զինվոր ու մի քանի ամերիկացի մասնագետներ:
Տաթև Ֆռանգյան
