01.11.2024 | 23:19
Հրդեհ Գյումրու տներից մեկում
Լարված իրավիճակը կարող է բերել բախումների, վարչապետը պետք է հրաժարական տա. Գորգիսյան. ՏԵՍԱՆՅՈՒԹ
Քաղաքականություն
25.02.2021 | 14:23
Հիմա ամենակարևորն այն է, որ կարողանանք գործընթացները վերադարձնել քաղաքական հուների մեջ՝ ամեն գնով խուսափելով քաղաքացիական բախումներից։ Վարչապետի հայտարարությունն ուղղակի սադրանք էր։ Այս մասին լրագրողների հետ զրույցում ասաց ՀՀ ԱԺ «Լուսավոր Հայաստան» խմբակցության քարտուղար Գևորգ Գորգիսյանը՝ անդրադառնալով հարցին, թե արդյո՞ք քաղաքացաիական բախումների վտանգ կա:
«Կոչ եմ անում բոլոր քաղաքացիներին որևէ պարագայում դուրս չգալ փողոց, չմասնակցել այսօր որևէ հանրահավաքի և խոսքը վերաբերում է ոչ միայն վարչապետի հրավիրած, այլ նաև նրա դեմ կազմակերպվող հանրահավաքներին, որովհետև այս լարված իրավիճակում դա կարող է բերել բախումների։ Ամեն ինչ պետք է արվի, որ այս իրավիճակը պարպվի։
Դրա համար ամենակարևոր քայլն այն է ,որ վարչապետը պետք է հրաժարական տա, նա չափից շատ հանրության համերաշխության հաշվին, պետական շահի հաշվին երկարացրեց իր իշխանությունը»,- նշեց Գորգիսյանը՝ ընդգծելով, որ հիմա արդեն դանակը հասել է ոսկորին, և երկիրը հետագա ցնցումների չտանելու, պետական ինստիտուտների նշույլները պահպանելու համար առաջնահերթ է վարչապետի հրաժարականը։
Անդրադառնալով ՀՀ ԶՈՒ գլխավոր շտաբի հայտարարությանը, Գորգիսյանը նշեց, որ այնտեղ որևէ հանցակազմի տարր չկար, նրանք պարզապես իրենց կարծիքն են հայտնել։
Մանրամասները՝ տեսանյութում:
