18.12.2025 | 20:30
Պուտինի հանցագործ ռեժիմը սնվում է պատերազմից՝ նոր էսկալացիայի կգնա, որ պատերազմը չդադարի․ Վահե Գասպարյան. ՏԵՍԱՆՅՈՒԹ
Տուգանք նշանակվելու դեպքում տնտեսվարողների հաշիվների վրա կալանք դրվելո՞ւ է. Թունյանը՝ Գ. Գևորգյանին. ՏԵՍԱՆՅՈՒԹ
Հասարակություն
24.02.2021 | 12:32
«Բիզնեսի ներկայացուցիչներն առաջարկել էին, որ «չհիմնավորված բարձր գին» հիմնավորումը վարույթի հիմք չդառնա»,- ԱԺ տնտեսական հարցերով մշտական հանձնաժողովի նիստում հայտարարեց ՀՀ տնտեսական մրցակցության պաշտպանության պետական հանձնաժողովի նախագահ Գեղամ Գևորգյանը:
Գևորգյանը հանձնաժողովում ներկայացնում էր ԱԺ-ում առաջին ընթերցմամբ արդեն ընդունված «Տնտեսական մրցակցության պաշտպանության մասին» օրենքում փոփոխություններ կատարելու մասին օրենքի նախագիծը և հարակից փաթեթը:
«Աշխարհն այդ կարգավորման շուրջ ունի կոնսենսուս և կդժվարանամ հիշատակել մի երկիր, որտեղ «Գիշատիչ գների», (Եվրոպայում այդպես են անվանում), կամ «Գների չհիմնավորված բարձրացում» և այլ տերմինալոգիայով երևույթը չդիտարկվի»,- հայտարարեց Գեղամ Գևորգյանը:
Տնտեսական հարցերի հանձնաժողովի նախագահ Բաբկեն Թունյանը հիշեցրեց, որ նախագծի քննարկման ժամանակ տնտեսվարողների բանկային հաշիվների վրա կալանք դնելու հարցն էր շատ քննարկվել, նաև այնպիսի ընկալում կար, որ ՏՄՊՊՀ-ն ստանում է ուժային մահակ՝ օպերատիվ հետախուզական միջոցառումներ անցկացնելու նոր լիազորությամբ:
Գևորգյանը նշեց, որ հաշվի վրա կալանք դնելու դրույթը նորություն չէ, այն սահմանված է վարչական իրավախախտումների մասին օրենսգրքով, իրենք ուղղակի այն տեղայնացրել են նոր օրենքում: Նրա խոսքով՝ օպերատիվ հետախուզության առումով էլ որևէ նոր լիազորություն ՏՄՊՊՀ-ն չի ստանում:
Մանրամասները՝ տեսանյութում:
