16.02.2026 | 16:13
Ամերիկյան մոդուլային ատոմակայանը մի շարք առավելություններ է ունենալու․ Մեսրոպյան․ ՏԵՍԱՆՅՈՒԹ
Շախմատ․ Հայաստանի առաջնությունների 6-րդ տուրի արդյունքները
23.02.2021 | 16:26
Տիգրան Պետրոսյանի անվան շախմատի տանը կայացան Հայաստանի տղամարդկանց և կանանց առաջնությունների 6-րդ խաղափուլերը. տեղեկացնում են armsport-ից:
Տղամարդկանց մրցաշարի առաջատար Հովհաննես Գաբուզյանը ոչ-ոքի խաղաց Սամվել Տեր-Սահակյանի հետ։ Այդ մասին հայտնում է Շախմատի ֆեդերացիայի պաշտոնական կայքըԼ Իր պարտիան հաշտությամբ ավարտեց նաև 2-րդ հորիզոնականում ընթացող Արման Փաշիկյանը։ Ոչ-ոքի արդյունք գրանցվեց նաև Մանուէլ Պետրոսյան – Տիգրան Հարությունյան պարտիայում։ 6-րդ տուրում հաղթանակներ գրանցեցին Զավեն Անդրիասյանը, Շանթ Սարգսյանը և Ռոբերտ Հովհաննիսյանը։
6-րդ տուրից հետո աղյուսակը 5 միավորով շարունակում է գլխավորել Հովհաննես Գաբուզյանը։ 4,5 միավորով Արման Փաշիկյանը գտնվում է 2-րդ հորիզոնականում։ 5 շախմատիստ 3,5-ական միավորով բաժանում են 3-7-րդ հորիզոնականները։
Կանանց մրցաշարում առաջատար Սուսաննա Գաբոյանը ոչ-ոքի խաղաց Սիրանուշ Ղուկասյանի հետ։ Մարիա Գևորգյանը հաղթեց Աննա Խաչատրյանին: 6-րդ տուրում հաղթեցին նաև Նարե Առաքելյանը և Աստղիկ Հակոբյանը։
6-րդ տուրից հետո աղյուսակը 4,5 միավորով շարունակում է գլխավորել Սուսաննա Գաբոյանը։ Մարիա Գևորգյանը 4 միավորով գտնվում է 2-րդ հորիզոնականում։ Մարիամ Ավետիսյանը և Վերոնիկա Խաչատրյանը 3,5-ական միավորով կիսում են 3-4-րդ հորիզոնականները։
