18.04.2026 | 10:23
Վաղը Նուբարաշենից Բարձրաշեն ճանապարհը ժամանակավորապես կփակվի
Օրենքով պետք է գրվի՝ կառուցվող ամեն շենք պետք է ունենա ապաստարան, գոնե կայանատեղ․ Գրիգորյան․ ՏԵՍԱՆՅՈՒԹ
Հասարակություն
22.02.2021 | 17:33
«Թաքստոցներ և ապաստարաններ. հրատապ լուծում պահանջող խնդիրներ» թեմայով առցանց քննարկման ժամանակ պետական կառույցների ներկայացուցիչներն ու մասնագետները քննարկեցին Երևանում և ՀՀ մյուս քաղաքաներում քաղաքացիական բնակչության պաշտպանության, մասնավորապես, թաքստոցներին և ապաստարաններին վերաբերող առկա հիմնախնդիրները և դրանց լուծման ճանապարհները:
Բանախոսների կարծիքով՝ խնդիրը կարգավորելու համար նաև օրենսդրական փոփոխությունների անհրաժեշտություն կա «Քաղաքացիական պաշտպանության մասին» օրենքում:
ԱԻ գեներալ-մայոր, Տավուշի մարզպետի խորհրդական Նիկոլայ Գրիգորյանն ընդգծում է, որ ապաստարանների ու թաքստոցների հետ կապված օրենքը դրված է շրջանառության մեջ, որտեղ գրված է, թե յուրաքանչյուրն ինչ պետք է անի։
Նա նաև ընդգծեց, որ օրենքով պետք է ամրագրվի, որ կառուցվող նոր շենք շինությունները պարտադիր կերպով պետք է ունենան ապաստարան, դա կարող է լինել, օրինակ, ֆիզկուլտուրայի դահլիճ, նկուղ կամ էլ կայանատեղի։
Գրիգորյանն ընդգծեց, որ օրենքը չպետք է կիսատ-պռատ, և պետք է լուծումները լինեն համալիր, հակառակ դեպքում մի օր կարող է ուշ լինել։
Մանրամասները՝ տեսանյութում:
