08.10.2026 | 22:50
Հայաստանի համար էներգետիկ դիվերսիֆիկացիան ռազմավարական առաջնահերթություն է. Սարգիս Խանդանյան
Մենք լավ մեկնարկ չունեցանք. Բիչախչյան
21.02.2021 | 20:41
Երևանի «Արարատ»-ի գլխավոր մարզիչ Վարդան Բիաչխյանը գոհ չէ «Փյունիկ»-ի դեմ հանդիպման մեկնարկային խաղից:
«Մենք լավ մեկնարկ չունեցանք: Առաջին 15 րոպեների ընթացող թիմը խաղը չէր զգում: Սխալներ թույլ տվեցինք, որի արդյունքում մրցակիցը վտանգավոր պահեր ստեղծեց մեր դարպասին: Հետագայում քիչ-քիչ կարողացանք խաղի մեջ մտնել: Շատ կարևոր գնդակ էր առաջին կեսում: Տղաները ամբողջ խաղի ընթացքում կարգապահ խաղ ցուցադրեցին»,-«Արմենպրես»-ի հաղորդմամբ` մարզչի խոսքերը փոխանցում է ակումբի մամուլի ծառայությունը:
Խոսելով թիմի նորեկների մասին Բիչախչյանը շեշտեց, որ նրանց համար դժվար է` նախ հաշվի առնելով եղանակային պայմանները, այդ իսկ պատճառով մարզիչը խաղը կառուցել էր հնաբնակների վրա:
Հայաստանի ֆուտբոլի առաջնության դեռևս 6-րդ տուրից հետաձգված խաղում մրցեցին «Արարատ»-ը և «Ուրարտու»-ն: Չարենցավանի քաղաքային մարզադաշտում կայացած խաղում «Արարատ»-ը երկու անպատասխան գնդակ ուղարկեց մրցակցի դարպասը: Նախ առաջին կեսի վերջնամասում Կոնեն բացեց խաղի հաշիվը և ինքն էլ կրկնապատկեց 65-րդ րոպեին` դառնալով դուբլի հեղինակ: «Արարատ»- «Ուրարտու»` 2:0: Այս տուրից հետո «Արարատ»-ը մրցաշարային աղյուսակի առաջատարն է 21 միավորով, իսկ «Ուրարտու»-ն 6-րդն է 15 միավորով:
