17.07.2026 | 22:56
Հայաստանի համար էբոլայի ներթափանցման և տարածման ռիսկը շարունակում է գնահատվել ցածր. ՀՎԿԱԿ
Պողոս Պողոսյանի սպանության գործով դատական նիստը հետաձգվեց
Հասարակություն
19.02.2021 | 16:18
«Բարև, Ռո՜բ» արտահայտությունն անելուց ու ծեծի ենթարկվելով սպանվելուց տարիներ անց այսօր կայացավ Պողոս Պողոսյանի սպանության վերաբացված գործով առաջին դատական նիստը։
Այսօրվա նիստին պաշտպանական կողմը դատավորին ինքնաբացարկի միջնորդություն ներկայացնելու համար դատարանի աշխատակազմից՝ իրենց, որոշակի փաստաթղթեր տրամադրելու պահանջ ներկայացրեց և խնդրեց դատը հետաձգել ողջամիտ ժամկետով՝ ինքնաբացարկի պատճառաբանված գրավոր միջնորդություն ներկայացնելու համար։
Մեղադրող դատախազը և տուժողի իրավահաջորդի փաստաբանը դատը հետաձգելու և փաստաթղթեր ստանալու մասով առարկություն չունեին։
Արդյունքում դատարանը որոշեց հետաձգել դատական նիստը մինչև մարտի 4-ը, ժամը՝ 11:00-ն։
Հիեցնենք, որ 2020 թվականի հուլիսի 7-ին Վերաքննիչ քրեական դատարանը բավարարեց գլխավոր դատախազության բողոքը և բեկանեց 19 տարի առաջ Երևանի «Առագաստ» սրճարանում Պողոս Պողոսյանի սպանության գործն ու այն ուղարկեց նոր քննության՝ պայմանավորված նոր երևան եկած հանգամանքներով։ Նոր երևան եկած հանգամանք էր դիտվել Մեծ Բրիտանիայի քաղաքացի Սթիվեն Ջոն Նյուտոնի ցուցմունքը։
Հիշեցնենք, որ Պողոս Պողոսյանի սպանության համար Ռոբերտ Քոչարյանի թիկնազորի պետ՝ Աղամալ Հարությունյանը դատապարտվել էր 2 տարի պայմանական ազատազրկման։
Այսօր նա դատարանում լրագրողների հարցերին պատասխանել չցանկացավ։
Լիլիթ Շաբոյան
