15.11.2024 | 16:46
Ղազախական ընկերությունները ՌԴ-ի համար սարքեր են գնել արևմտյան երկրներից, որոնք օգտագործվել են ՌԷՊ միջոցների ստեղծման համար
Մահացած արշավականը Նաիրուհի Սիմոնյանն է, վիրավորները՝ վերակենդանացման բաժանմունքում են
29.01.2018 | 16:49
Երեկ Արա լեռ մեկնած 18 արշավականների խումբը հայտնվել էր ձնաբքի մեջ: Արշավախմբի անդամներից երկուսը գտնվում են վերակենդանացման բաժանմունքում, իսկ մեկը՝ Նաիրուհի Սիմոնյանը, մահացել է: Ալպինիզմի և լեռնային տուրիզմի հայկական Ֆեդերացիայի նախագահ Սուրեն Դանիելյանը դեպքի առնչությամբ իր ֆեյսբուքյան էջում գրել էր. «Մեր խմբի հետ միաժամանակ սկսեց բարձրանալ նաև Երևանի հատուկ նշանակության փրկարարական խումբը։ Ցավով արձանագրեցինք, որ խմբի արշավական մի աղջիկ՝ Նաիրուհի Սիմոնյանը, ըստ մեր կարծիքի, անկման հետևանքով ստացել էր կյանքի համար անհամատեղելի վնասվածքներ և մահացել, ինչի համար խոր ցավ ենք ապրում և ընտանիքի անդամներին ու հարազատներին հայտնում ենք մեր ցավակցություններն ու կարեկցանքը»:
Արայի լեռան վրա ձնաբքի հետևանքով մահացած աղջիկը զբոսավար Նաիրուհի Սիմոնյանն է: Նրա ֆեյսբուքյան էջում կան արշավներից բազմաթիվ լուսանկարներ: Նրա ընկերների պնդմամբ, արշավի նախորդ օրը Նաիուհին իրեն թույլ է զգացել, սակայն արշավանքի մասնակցելուց չի հրաժարվել: Վիրավոր տղամարդկանցից մեկը արշավախմբի ղեկավարն է՝ 1980 թ. ծնված Էդգար Նավասարդյանը։ Նա կոտրվածքներ ունի և գտնվում է կոմայի մեջ։
