23.11.2024 | 11:00
Հոկտեմբերին եկամուտ ստացող աշխատատեղերի թվաքանակը կազմել է 779 151․ ՊԵԿ
Գագիկ Ծառուկյանը ՀՀ շահերը պատշաճ մակարդակով կարող է ներկայացնել. Արտյոմ Ծառուկյան. ՏԵՍԱՆՅՈՒԹ
Քաղաքականություն
16.02.2021 | 17:13
Գագիկ Ծառուկյանը վերջին հարցազրույցում հայտարարեց, որ բացառվում է ներկայիս իշխանության հետ համագործակցությունը: Մյուս կողմից՝ մամուլում տեղեկություններ են շրջանառվում, որ կուլիսային խոսակցություններ կան և հնարավոր է գործարքներ լինեն: Factor.am-ի հետ զրույցում անդրադառնալով այս դիտարկմանը՝ ԲՀԿ խմբակցության պատգամավոր Արտյոմ Ծառուկյանը նշեց. «Մեր համագործակցությունը միշտ բաց է եղել, մենք ԲՀԿ գոյության ամբողջ ժամանակահատվածում երբեք որևէ կուլիսային պայմանավորվածություն չենք ունեցել, մեր աշխատելաոճը եղել է պարզ ու թափանցիկ… Ժամանակն ապացուցեց, որ անիմաստ է խոսել «Իմ քայլի» հետ որևէ պայմանավորվածության մասին:
Հետպատերազմյան խայտառակ իրավիճակում ենք, երբ կապիտուլյացիայից հետո անորոշ է ապագան, կուտակված խնդիրներ կան, բայց այս իշխանությունները չեն կարող լուծել, որովհետև ի զորու չեն, չունեն համապատասխան կարողություններ»,- նշեց պատգամավորը՝ ընդգծելով, որ ԲԳԿ-ն չի կարող համագործակցել մի քաղաքական ուժի հետ, որի հրաժարականն է պահանջում»:
Անդրադառնալով հարցին, թե ԲՀԿ-ն Փաշինյանին մեղադրում է՝ համարելով որ նա լավ բանակցող չէ, Գագիկ Ծառուկյանը կարո՞ղ է լավ բանակցող լինել, Արտյոմ Ծառուկյանն ընդգծեց. «Ես վստահ եմ, որ իմ քաղաքական թիմի ղեկավարը կարող է ՀՀ շահերը պատշաճ մակարդակով ներկայացնել և պաշտպանել ՀՀ քաղաքացու շահերը և երկիրը անդունդից հետ տանել դեպի առաջխաղացում, դեպի զարգացում»:
Մանրամասները՝ տեսանյութում:
