27.11.2024 | 22:49
Երևանի քաղաքապետն այցելել է Լոս Անջելեսի տրանսպորտի կառավարման կենտրոն
Տեղի է ունեցել զրպարտության գործով Նավալնիի դատավարության 3-րդ լսումը
Քաղաքականություն
16.02.2021 | 16:52
Այսօր Մոսկվայի Բաբուշկինսկի շրջանի դատարանում տեղի է ունեցել պատերազմի վետերանին զրպարտելու գործով Ալեքսեյ Նավալնիի դատավարության երրորդ լսումը։ Դատախազ Եկատերինա Ֆռոլովան խնդրել է Նավալնիի հանդեպ 950 հազար ռուբլու չափով տուգանք նշանակել, իսկ, ըստ մեղադրող կողմի, հաշվի առնելով, որ քաղաքական գործիչը զրպարտություն է արել «Իվ Ռոշեի» գործով դատավիճիռը կատարելուց առաջ, վերջնական տեսքով դատախազն առաջարկել է նշանակել 3,5 տարվա ազատազրկում՝ ընդհանուր ռեժիմի գաղութում․ գրում է BBC-ի ռուսական ծառայությունը։
Նավալնիի պաշտպանական կողմը խնդրել է դատարանին արդարացնել նրան, իսկ քրեական հետապնդումը դադարեցնել։
Ալեքսեյ Նավալնիի գործով դատավարության նիստը տեղափոխվել է փետրվարի 20-ին։
«Ամբաստանյալի վերջին խոսքի հայտարարությունը տեղի կունենա փետրվարի 20-ին, ժամը 14: 00-ին», – հայտարարել է Վերա Ակիմովան ՝ Մոսկվայի Բաբուշկինսկի շրջանի թիվ 321 բաժնի դատավորը:
Ամբաստանյալի վերջին խոսքից հետո դատարանը կհեռանա խորհրդակցական սենյակ՝ դատավճիռ կայացնելու։ Սակայն Նավալնին լսելով նշանակված օրվա մասին՝ սկսել է վիճել, քանի որ շաբաթ օրը պետք է տեղի ունենա նաև Մոսկվային Սիմյոնովսկոյի դատարանի որոշման բողոքարկումը։
Այնուհետև տեղեկացվել է, որ այդ երկու դատավարությունների միջև 4 ժամվա տարբերություն կա։
