30.06.2026 | 21:50
ԱՄՆ Գերագույն դատարանը մերժել է ծննդյան իրավունքով քաղաքացիության տրամադրումը սահմանափակելու՝ Թրամփի առաջարկը
«Զարմանալի պարզ ու հասարակ բաներ». համերգային պրեմիերա՝ «Հովեր» երգչախմբի և դաշնակահար Արմեն Բաբախանյանի մասնակցությամբ
Մշակույթ
15.02.2021 | 15:51
Փետրվարի 16-ին՝ 19։00-ին, Կոմիտասի անվան կամերային երաժշտության տանը տեղի կունենա Վաչե Շարաֆյանի «Զարմանալի պարզ ու հասարակ բաներ» (դաշնամուրի և երգչախմբի համար) ստեղծագործության համերգային կատարման պրեմիերան՝ մասնակցությամբ «Հովեր» պետական կամերային երգչախմբի և դաշնակահար Արմեն Բաբախանյանի։ Խմբավար՝ Սոնա Հովհաննիսյան. տեղեկացնում են ՀՀ ԿԳՄՍ նախարարությունից:
«Զարմանալի պարզ ու հասարակ բաներ» նախագծի աշխատանքները սկսվել են դեռևս 2020 թվականի մայիսից։ Ստեղծագործական կազմում՝ կոմպոզիտոր Վաչե Շարաֆյան, դաշնակահար Արմեն Բաբախանյան, ռեժիսոր Նարինե Մալյան, խմբավար Սոնա Հովհաննիսյան, արվեստի մենեջեր, պրոդյուսեր Անուշ Քոչարյան։
Նախագիծն իրականացվել է ՀՀ կրթության, գիտության, մշակույթի և սպորտի նախարարության աջակցությամբ։
