18.11.2024 | 23:35
ԵՄ-ն ծրագրում է «քաղաքական առաքելություն» ուղարկել Վրաստան. Բորել
Սերժ Սարգսյանին չի մերժել մեր թիմը, այլ մերժել է ՀՀ ժողովուրդը. Արփի Դավոյան. ՏԵՍԱՆՅՈՒԹ
Քաղաքականություն
15.02.2021 | 15:02
«Ես նման նախագիծ չէի ցանկանա նույնիսկ իմ թշնամուն»,- նախօրեին հարցազրույցում ասել է ՀՀ երրորդ նախագահ Սերժ Սարգսյանը՝ անդրադառնալով լայնորեն շրջանառվող այն լուրերին, թե «Նիկոլ Փաշինյանը Սերժ Սարգսյանի պրոյեկտն է»։
Անդրադառնալով այս դիտարկմանը՝ «Իմ քայլը» խմբակցության պատգամավոր Արփի Դավոյանը նշեց, որ դա բամբասանք է. «Շարունակում են նման խոսակցությունները՝ առանց որևէ հիմքի… Ինչպիսի հարցադրումներ է անում մի մարդ, որը տարիներ շարունակ եղել է ՀՀ ղեկավար և մեզ թողել է այնպիսի ՀՀ, ինչպիսին տեսանք, և տեսանք, թե ինչ խնդիրների առաջ կանգնեցինք: Կարծում եմ, որ այս հարցազրույցների շարքը, որ վարում են ՀՀ նախկին ղեկավարները, ավելի շատ ինքնապաշտպանական բնույթ են կրում և որևէ փաստարկի վրա հիմնված չեն»:
Արփի Դավոյանը նաև ընդգծեց, որ Սերժ Սարգսյանին մերժել է ոչ թե «Իմ քայլը» թիմը, այլ ՀՀ ժողովուրդը. «Այն ինչ տեղի է ունեցել, դա եղել է Ս. Սարգսյանի վարած քաղաքականության արյունքը: Տեսանք, թե այդ քաղաքականությունն ինչի բերեց: Ասում եք՝ քրեական գործով է անցնում Ս. Սարգսյանը, և չկան դատավճիռներ, կլինեն դատավճիռներ և ոչ միայն Ս. Սարգսյանի նկատմամբ… Արդարությունը պետք է հաղթանակի»:
Մանրամասները՝ տեսանյութում:
