10.10.2026 | 19:47
Քննարկվել են Հայաստանում կախվածությունների կանխարգելման և բուժման ուղղությամբ իրականացվող աշխատանքները
Ադրբեջանին վաճառած զենքը մի օր կօգտագործվի հենց զենքը վաճառած երկրի դեմ. Դավիթ Բաբայան
Քաղաքականություն
26.01.2018 | 15:46
«Մենք միշտ էլ ասում ենք, որ Ադրբեջանի պես պետությանը չի կարելի զենք վաճառել: Այդ զենքը մի օր օգտագործվելու է այն երկրների դեմ, որոնք իրեն զենք են վաճառել». անդրադառնալով օրերս ՌԴ-ի կողմից Ադրբեջանին զենքի հերթական խմբաքանակի վաճառքին, Factor.am-ի հետ զրույցում ասաց Արցախի նախագահի աշխատակազմի ղեկավարի տեղակալ Դավիթ Բաբայանը:
«Նույն Աբրբեջանն արդեն ՌԴ-ի դեմ ահաբեկչական գործողություններ վարելու հարուստ փորձ ունի: Օրինակ՝ Սիրիայում, Իրաքում ԻՊ-ի գրոհայինների շարքերում ամենադաժան խմբավորումն ադրբեջանականն է: Նրանց մի մասն ադրբեջանական բանակում է «պրակտիկա» անցնում: Մենք նույնն ասում ենք նաև Իսրայելին, ԱՄՆ-ին, Ուկրաինային և տարբեր այլ երկրների, որոնք զենք են վաճառում Աբրբեջանին, որ դա ճիշտ քայլ չէ»,- ասաց նա:
Հիշեցնենք, որ երեկ Ադրբեջանը դիվերսիոն ներթափանցման փորձ էր ձեռնարկել հայկական դիրքերից մեկի ուղղությամբ ու հետ շպրտվել: Դավիթ Բաբայանը տեղեկացրեց՝ այս գիշեր համեմատաբար հանգիստ է եղել. «Սահմանային իրավիճակը համեմատաբար կայուն է և վերահսկելի: Արցախի ՊԲ -ն շարունակում է ռազմական նախաձեռնողականությունը պահել իր ձեռքում»:
Լիլիթ Շաբոյան
