28.04.2026 | 12:50
Զապորոժիեի և Սումի մարզերում ռուսական հարձակումների հետևանքով վիրավորներ կան
Գրոհի է ենթարկվել Սիրիայում ռուսական ավիաբազան
Քաղաքականություն
11.02.2021 | 16:56
Սիրիայում տեղակայված ռուսական Խմեյմիմի ավիաբազայի վրա գրոհ է իրականացվել հեռահար համազարկային կրակի ռեակտիվ համակարգերի օգտագործմամբ։ Սակայն «Թշնամի կողմերի հաշտեցման կենտրոնի» ղեկավարի տեղակալ Վյաչեսլավ Սիտնիկը հայտնել է, որ ռուսական ՀՕՊ համակարգերը դիմակայել են այս գրոհին, գրում է «Ռադիո Սպուտնիկը»։
Վերջինս պարզաբանել է, որ դեպքը տեղի է ունեցել փետրվարի 10-ին Մոսկվայի ժամանակով ժամը 19:45-ին, գրոհն իրականացվել է Իդլիբի ապաէսկալացման գոտուց, որը վերահսվում է ապօրինի կազմավորումների կողմից։ Տեղեկացվում է, որ տուժածներ չկան, նյութական վնասներ չեն հասցվել։ Ռուսական Խմեյմիմ ավիաբազան սահմանված ռեժիմով գործում է։
Հիշեցնենք՝ Սիրիայում զինված հակամարտությունը շարունակվում է 2011 թվականից։ 2017 թվականի վերջին հայտարարվել էր Սիրիայում ու Իրաքում «Իսլամական պետության» պարտության մասին։ Սակայն մինչ օրս երկրի առանձին շրջաններում շարունակվում են զինյալների մաքրման աշխատանքները։
Տաթև Ֆռանգյան
