15.12.2025 | 19:13
Լուվրը ժամանակավորապես փակ է․ աշխատակիցները գործադուլ են սկսել
Սյունիքի ու Գեղարքունիքի ևս 40 համայնք սահմանամերձ կհամարվի․ Մեսրոպ Առաքելյան. ՏԵՍԱՆՅՈՒԹ
Քաղաքականություն
10.02.2021 | 18:31
ՀՀ աշխատանքի և սոցիալական հարցերի նախարար Մեսրոպ Առաքելյանը, ԱԺ-Կառավարություն հարցուպատասխանի ժամանակ անդրադառնալով Սյունիքի մարզի՝ սահմանամերձ դարձած բնակավայրերի բնակիչներին ցուցաբերվելիք աջակցությանը, տեղեկացրեց, որ «Սահմանամերձ համայնքների սոցիալական աջակցության մասին» օրենքով այս պահին մոտ 40 համայնք ունի սահմանամերձի կարգավիճակ, և Կառավարության վաղվա նիստում կներկայացվի այդ համայնքների ցանկում փոփոխությունների նախագիծ:
Առաքելյանի խոսքով՝ Սյունիքի և Գեղարքունիքի մարզերի ևս 40 համայնք կներառվի այդ ցանկում: Նախարարը նշեց, որ այդ համայնքների բնակիչները ևս կօգտվեն սահմանված արտոնություններից:
«2021 թվականի հունվարի 1-ից սկսած՝ գույքահարկի վճարումից կազատվեն և փետրվարից սկսած՝ որոշակի մասնակի փոխհատուցում կտրամադրվի կոմունալ վճարների, գազի, էլեկտրաէներգիայի և ոռոգման ջրի մասով, ինչպես նաև նախորդ տարի ԱԺ-ի կողմից ընդունված օրենքի փոփոխությունների համաձայն՝ կփոխհատուցվի դպրոցական դասագրքերի վճարը»,- ասաց Առաքելյանը:
Ըստ նախարարի՝ Սյունիքի մարզի սոցիալ-տնտեսական խնդիրների կարգավորման մասով ստեղծված է աշխատանքային խումբ, որն ուսումնասիրում է նաև քաղաքացիների զբաղվածության և սոցիալական այլ հարցեր:
Մանրամասները՝ տեսանյութում:
