18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Կարսում զորավարժությունները շարունակվում են․ նախատեսվում է թուրքական ու ադրբեջանական բանակի նոր սպառազինությունների փորձարկում
Քաղաքականություն
10.02.2021 | 20:16
Թուրքիայի Կարս քաղաքում շարունակվում են թուրք-ադրբեջանական «Ձմեռ 2021» զորավարժությունները։ Թուրքիայի Պաշտպանության նախարարությունը թվիթերյան իր էջում հերթական տեսանյութերն է տեղադրել վարժանքների ընթացքից, թե ինչպես է տանկերով, հրետանիով և ուղղաթիռներով իրականացվում թիրախների խոցում։
Նախատեսվում է մշակել համատեղ հարձակվողական, օդային, օդադեսանտային գործողությունների կոորդինացիա՝ զորքի նյութատեխնիկական աջակցությամբ։
Նշենք, որ զորավարժություններին մասնակցում են տանկային ստորաբաժանումներ, թնդանոթներ, հրետանի, ուղղաթիռներ, հատուկ նշանակության ջոկատներ, դիպուկահարներ։ Նախատեսվում է նաև թուրքական ու ադրբեջանական բանակի նոր սպառազինությունների փորձարկում։
Հավելենք, որ «Ձմեռ 2021» զորավարժությունները տևելու են մինչև փետրվարի 12-ը։ Բացի այդ վաղն էլ վարժանքների ընթացքին հնարավորություն են ունենալու հետևել լրատվամիջոցների ներկայացուցիչները։
Էմմա Չոբանյան
