17.09.2026 | 21:00
2,6 մլն՝ Փաշինյանին, 2,1 մլն՝ նախարարներին․ զգալի կբարձրանա պաշտոնայների աշխատավարձը. ՏԵՍԱՆՅՈՒԹ
Մեր փոքրիկ հանրապետության համար այսքան բուհը «ճոխություն» է. ԿԳՄՍ նախարար. ՏԵՍԱՆՅՈՒԹ
Հասարակություն
10.02.2021 | 13:37
Ինչո՞ւ են բուհերի կառավարման խորհուրդները 9 հոգանոց կազմով, որտեղ գերակշռելու են լիազոր մարմնի և կառավարության ներկայացուցիչները, նրանք կարո՞ղ են ապահովել բուհի ինքնավար, անկաշկանդ կառավարումը: Իսկ այն 4-ը, որ պետք է ընտրվեն բուհից, քանի՞ ուսանող և դասախոս է նախատեսվում, որ կլինեն խորհրդում։ «Բարձրագույն կրթության և գիտության մասին» օրինագծի քննարկման ժամանակ ԿԳՄՍ նախարար Վահան Դումանյանին այս հարցն ուղղեց ԼՀԿ-Կն պատգամավոր Անի Սամսոնյանը:
Ի պատասխան՝ նախարարը նշեց, որ բուհը կորոշի, թե 4-ից քանիսը կլինեն դասախոս, քանիսը՝ ուսանող:
«Շատ բարդ է հիմնավորել, թե ինչու կառավարման խորհրդի անդամները պետք է լինեն 9-ը, այնպես, ինչպես բարդ է հիմնավորել, թե ինչու մեր պատգամավորների թիվը պետք է լինի այսքան: Հայաստանում ոչ միայն մասնավոր բուհերն են թվաքանակով անբնական շատ, այլև պետական բուհերը: Մեր փոքրիկ հանրապետության համար այսքան բուհը «ճոխություն» է: Չեմ կարծում, որ դա պարտադրված անհրաժեշտություն է: Իսկ թե ինչու 5-4 համամասնությամբ, իմ կարծիքով՝ պետք է լիներ 9-0: Եթե բուհի հիմնադիրը պետությունն է, այն պետք է կրի 100 տոկոսանոց պատասխանատվություն բուհի գործունեության համար: Իսկ պատասխանատվության համար պետք է ունենա համապատասխան իրավունքներ»,- ասաց Դումանյանը:
Մանրամասները՝ տեսանյութում:
