13.10.2026 | 19:15
Վլադիմիր Վարդանյանը՝ «Հրայր Թովմասյան-2» սցենարո՞վ․ ով կընտրվի ՍԴ նախագահ․ ՏԵՍԱՆՅՈՒԹ
Թուրքիան երրորդ տեղում է իր դեմ ՄԻԵԴ ներկայացված հայցերի թվով
Քաղաքականություն
26.01.2018 | 11:09
Թուրքիան զագոցնում է երրորդ տեղը՝ է իր դեմ Մարդու իրավունքների եվրոպական դատարան (ՄԻԵԴ) ներկայացված հայցերի թվով. փոխանցում է EH-ն:
Նախօրեին Ստրասբուրգում ՄԻԵԴ նախագահ Գիդո Ռայմոնդին ներկայացրել է 2017 թվականի ամփոփիչ զեկույցը: Ըստ ներկայացված տարեկան վիճակագրության՝ 2018թ-ի հունվարի 1-ի դրությամբ ՄԻԵԴ-ը 47 ԵԽ երկրներից ընդհանուր առմամբ ստացել է 56 հազար 250 հայց:
Գանգատների թվով առաջին եռյակում տեղ են գտել Ռումինիան, Ռուսաստանը և Թուրքիան: Ըստ «Deutsche Welle»-ի թուրքական ծառայության՝ Ռումինիայի դեմ ստացվել է 9920, Ռուսաստանի դեմ 7747 իսկ Թուրքիայի դեմ 7518 գանգատ: Թուրքիայից ստացված դիմումները կազմում են ընդհանուր հայցերի 13,3 %-ը :
Ընդհանուր առմամբ, տարվա ընթացքում Թուրքիայի վերաբերյալ կայացվել է 116 որոշում: Ըստ այդ վճիռների Թուրքիայում ամենաշատը խախտվում են մարդկանց անվտանգության, արդար դատավարության և խոսքի ազատության իրավունքները:
Ըստ աղբյուրի՝ Թուրքիան ինչպես և նախորդ տարիներին շարունակում է առաջատար դիրքում մնալ` խոսքի ազատության իրավունքի խախտման տեսակետից:
