ԱՀԿ փորձագետները բացառել են կորոնավիրուսի արհեստական ծագման վարկածը

2019 թվականին Ուհանում կորոնավիրուսի տարածման պատճառների հետաքննությամբ զբաղվող փորձագետները բացառել են դրա արհեստական ծագման վարկածը։ Վիրուսը չղջիկների միջոցով մարդկանց է փոխանցվել ինչ-որ միջանկյալ օղակի միջոցով, կարծում են նրանք, գրում է rbc.ru-ն։

Չինական Ուհանում տեղի ունեցած մամլո ասուլիսի ժամանակ ԱՀԿ առաքելությունը զեկուցել է կորոնավիրուսի ծագման վերաբերյալ հետաքննության նախնական արդյունքների մասին։ Փորձագետները բացառել են հավանականությունը, որ այն արհեստական ծագում է ունեցել։

ԱՀԿ մասնագետները վիրուսը մարդկանց պոպուլյացիա անցնելու միայն 4 վարկած են առաջ քաշել՝

1․ չղջիկներից անմիջական վարակում,

2․ վիրուսի միջանկյալ փոխանցում՝ կենդանուց։ Այդ կենդանատեսակի մոտ վիրուսը հնարավոր է ադապտացվել է ու սկսել  է տարածվել մինչ մարդուն փոխանցվելը,

3․ փոխանցում սննդի շղթայի միջոցով: Այս դեպքում վիրուսը կարող էր ՈՒհան մուտք գործել հեռվից ՝ մնալով, օրինակ, սառեցված սննդի մակերեսի վրա,

4․վիրուսի արհեստական ծագման միջոցով փոխանցում՝ լաբորատորիաներում դրա ստեղծման միջոցով։

ԱՀԿ առաքելության ղեկավար Բեն Էմբարեկը հայտնել է, որ 4-րդ վարկածը փորձագետները քիչ հավանական են համարել։ Այս պատճառով էլ այս վարկածը խորհուրդ չի տրվի հետագա ուսումնասիրության համար։ Իսկ ամենից իրատեսականն է համարվում միջանկյալ կրողի միջոցով փոխանցման վարկածը, կարծում են կազմակերպության փորձագետները։ Չի բացառվել նաև սննդային շղթայի միջոցով փոխանցումը։

Տաթև Ֆռանգյան