10.08.2026 | 11:30
Firebird ընկերության ԱԲ գործարանի բացումը նշանավորում է նշանակալի փուլի սկիզբ Հայաստանում. ՀՀ-ում ԱՄՆ դեսպանություն
Հետմահու «Արիության համար» մեդալով է պարգևատրվել Արմավիրի մարզից Խծաբերդի ուղղությամբ մղված մարտերում զոհված ինը զինծառայող
Հասարակություն
06.02.2021 | 14:28
ՀՀ Արմավիրի մարզպետՀամբարձում Մաթեւոսյանը «Արցախի պահեստազորի սպաների միություն» ՀԿ-ի նախագահ Կարմեն Ասլանյանի և փոխմարզպետ Ալեքսան Ալեքսանյանի հետ այսօր ընդունել է Արմավիրի մարզից Խծաբերդի ուղղությամբ մղված մարտերում զոհված ինը զինծառայողների ծնողներին:Այս մասին տեղեկացնում է Արմավիրի մարզպետարանը:
Ողջունելով ներկաներին` մարզպետ Համբարձում Մաթևոսյանն ընդգծել է հանդիպման կարևորությունը նահատակված հերոսների սխրանքները հավերժ հիշելու և նրանց հայրենանվեր գործին արժանին մատուցելու առումով: Նա միաժամանակ իր խոնարհումն է հայտնել հերոսածին ծնողներին, նրանց ընտանիքների անդամներին` վստահեցնելով, որ միշտ իրենց կողքին է և պատրաստ աջակցելու իրենց խնդիրների լուծմանը:
Համահավաք դիվիզիայի հրամանատար և «Արցախի պահեստազորի սպաների միություն» ՀԿ-ի նախագահ Կարմեն Ասլանյանն էլ ներկայացրել է նահատակված հերոսների սխրանքները, որոնք բարձր են գնահատվել ԱՀ նախագահ Արայիկ Հարությունյանի կողմից և վերջինիս հրամանով 2020 թվականի սեպտեմբերի 27-ին հակառակորդի սանձազերծած լայնածավալ ռազմական գործողությունների ընթացքում Արցախի Հանրապետության պետական սահմանը պաշտպանելիս ցուցաբերած արիության և խիզախության համար Արմավիրի մարզից Խծաբերդի ուղղությամբ մղված մարտերում զոհված ինը զինծառայողներ հետմահու արժանացել են «Արիության համար» մեդալի.
🔸Գ. Առատաշեն, Հարություն Անդրիասյան Գևորգի
🔸Գ. Առատաշեն, Սարգիս Հարությունյան Վահրամի
🔸Գ. Տանձուտ, Անդրանիկ Շահնազարյան Մարտիրոսի
🔸Գ. Արգավանդ, Արմեն Մարտիրոսյան Գուրգենի
🔸Գ. Արգավանդ, Սմբատ Ավետիսյան Միհրանի
🔸Գ. Մարգարա, Ռոման Մարգարյան Սուրիկի
🔸Գ. Նոր Կեսարիա, Հարություն Մկրտչյան Սեյրանի
🔸Գ. Մրգաշատ, Գևորգ Արշակյան Սեյրանի
🔸Գ. Մրգաշատ, Գարիկ Բարսեղյան Գրիգորի
