20.05.2026 | 15:31
ՄԻՊ-ը կոչ է անում բացառել խտրական և ատելություն տարածող խոսույթը քարոզարշավում
Մահացել է Օմսկում Ալեքսեյ Նավալնիին բուժող 55-ամյա բժիշկը
Քաղաքականություն
05.02.2021 | 14:08
Մահացել է Սերգեյ Մակսիմիշինը՝ Օմսկի №1 շտապօգնության հիվանդանոցի անեսթեզիոլոգիայի ու վերակենդանացման բաժանմունքի գլխավոր բժիշկի տեղակալը։ Հենց այս հիվանդանոց էր տեղափոխվել ռուս ընդդիմադիր քաղաքական գործիչ Ալեքսեյ Նավալնին թունավորումից հետո, և հենց այս բժիշկն է ղեկավարել նրա բուժման ընթացքը, գրում է BBC-ի ռուսական ծառայությունը։ Բժիշկը 55 տարեկան էր։
Օմսկի մարզի առողջապահության նախարարության մամլո խոսնակ Գալինա Նազարովան հայտնել է, որ Մակսիմիշինը մահացել է սրտի նոպայից։ «Մարդը հիվանդ էր, անհանգստանում էր իր հարազատների համար, նա այս տարի հուղարկավորել էր իր ծնողներին։ Նա մահացել է աշխատավայրում, իր վերակենդանացման բաժանմունքում, որտեղ աշխատել է»,- ասել է Նազարովան։
Նրա խոսքով՝ Մակսիմիշինին տեղափոխել են վերակենդանացման բաժանմունք, և նա այնտեղ մահացել է։
CNN-ը կապ է հաստատել Նավալնիի կողմնակից Լեոնիդ Վոլկովի հետ, որը հաստատել է, որ Մակսիմիշինը ղեկավարել է ընդդիմադրի բուժման ընթացքը։ «Սերգեյ Մակսիմիշինը ղեկավարել է բաժանմունքը, որտեղ բուժվել է Ալեքսեյ Նավալնին ու ղեկավարել է բուժման ընթացքը․ նա մասնավորապես պատասխանատու է եղել նրան արհեստական կոմայի մեջ գցելու համար»,- պատմել է Վոլկովը հեռուստաալիքին։
«Նա բոլորից շատ բան գիտեր Ալեքսեյի վիճակի մասին, այդ պատճառով էլ չեմ կարող բացառել, որ նա չի մահացել իր մահով։ Սակայն կասկածում եմ, որ նրա մահվան հանգամանքները կհետաքննվեն»,- ասել է ընդդիմադիրը։
