08.02.2026 | 22:09
Չեխիայի իշխանությունները ցանկանում են երեխաներին արգելել օգտվել սոցիալական ցանցերից
ՌԴ իշխանությունները մեծացնում են Նավալնիի կողմնակիցների վրա ճնշումը. քրեական գործեր են հարուցվել
Քաղաքականություն
04.02.2021 | 18:35
Ռուսաստանի իշխանությունները «Իվ Ռոշեի» գործով պրոբացիայի պահանջները խախտելու մեղադրանքով 2 տարի 8 ամսվա ազատազրկման դատապարտված հայտնի ընդդիմադիր առաջնորդ Ալեքսեյ Նավալնիի կողմնակիցների վրա ճնշումն ուժեղացնում են, գրում է DW-ի ռուսական ծառայությունը:
Փետրվարի 4-ին Նավալնիի հիմնադրած «Հակակոռուպցիոն հիմնադրամի» փաստաբան Լյուբով Սոբոլին մեղադրանք է առաջադրվել հունվարի 23-ին Մոսկվայում կայացած չարտոնված բողոքի ակցիայի ընթացքում կորոնավիրուսային սահմանափակումները խախտելու համար:
«Սոբոլին մեղադրանք է առաջադրվել սանիտարահամաճարակաբանական կանոնները խախտելու սադրանքի համար, ինչը հանգեցրել է մարդկանց զանգվածային հիվանդացման սպառնալիքի»,- «Ինտերֆաքսին» հայտնել է Սոբոլի փաստաբան Վլադիմիր Վորոնինը։
Փետրվարի 3-ին Քննչական կոմիտեն արդեն համանման մեղադրանքներ էր առաջադրել Ալեքսեյ Նավալնիի եղբորը՝ Օլեգին, Pussy Riot-ի մասնակից Մարիա Ալյոխինային ու Նավալնիի մոսկովյան գրասենյակի համակարգող Օլեգ Ստեպանովին։
Հավելենք, որ ՌԴ քրեական օրենսգրքի 236-րդ հոդվածի 1 մասով նախատեսված առավելագույն պատիժը մինչև 2 տարվա ազատազրկումն է։
