17.12.2025 | 11:51
Թրամփը լիովին արգելել է Սիրիայի և մի շարք այլ երկրների քաղաքացիների մուտքը ԱՄՆ
ՀՀ նոր նախագահը զրկված է լինելու ընտրովի ներումների դեմ պայքարելու հնարավորությունից. ի՞նչ փոփոխությունների կենթարկվի ներման ինստիտուտը
Քաղաքականություն
24.01.2018 | 19:25
Մինչ այս օրերին հասարակական և քաղաքական շրջանակներում ակտիվորեն քննարկվում է Հայաստանի չորրորդ նախագահի դերն ու ազդեցությունը երկրի ներքին և արտաքին քաղաքական կյանքում, կառավարությունն անցյալ տարեվերջին հաստատել և խորհրդարան է ուղարկել «Ներման մասին» ՀՀ նոր օրենքի նախագիծը, համաձայն որի՝ դատապարտյալին ներում շնորհելու իրավունքն, ըստ էության, թողնվում է վարչապետին:
Ինչպես հին Սահմանադրությամբ, այնպես էլ 2015-ին փոփոխված և առաջիկայում լիարժեք ուժի մեջ մտնող նոր սահմանադրությամբ դատապարտյալին ներում շնորհողը Հայաստանի նախագահն է, սակայն «Ներման մասին» նոր օրենքի նախագծի օրենսդրական կարգավորումներով իրականում վարչապետի առաջարկությամբ է նախագահը որոշելու դատապարտյալին ներում շնորհե՞լ, թե՞ ոչ:
«Ներման մասին» նոր օրենքի նախագծով՝ Արդարադատության նախարարությունը ներման խնդրագրի ստացման օրվանից մեկամսյա ժամկետում այն ներկայացնում է վարչապետին: Հնգօրյա ժամկետում վարչապետն այն ուղարկում է Ներման հարցերի քննարկման խորհրդակցական հանձնաժողով՝ եզրակացություն ստանալու նպատակով, իսկ բացառիկ դեպքերում վարչապետը ներման խնդրագիր ներկայացրած անձին ներում շնորհելու կամ ներման շնորհումը մերժելու մասին առաջարկությունը նախագահին կարող է ներկայացնել առանց հարցը հանձնաժողովի քննարկմանը ներկայացնելու:
Վարչապետը հանձնաժողովի եզրակացությունը ստանալուց հետո ոչ ուշ, քան տասնհինգօրյա ժամկետում այն ներկայացնում է նախագահին, վերջինս էլ իր հերթին եռօրյա ժամկետում ստորագրում է ներում շնորհելու կամ ներման շնորհումը մերժելու մասին նախագահի հրամանագրի նախագիծը կամ իր առարկություններով այն վերադարձնում վարչապետին: Եթե վարչապետը չի ընդունում առարկությունները, ապա նախագահը կարող է եռօրյա ժամկետում դիմել Սահմանադրական դատարան հակառակ դեպքում հանրապետության նախագահի հրամանագիրն ուժի մեջ է մտնում իրավունքի ուժով:
Մինչ այժմ դատապարտյալներին ներում շնորհելու համար որպես իրավական հիմք ծառայել է հանրապետության նախագահի 2003 թվականի նոյեմբերի 19-ի «Դատապարտյալների ներման խնդրագրերը քննարկելու կարգը հաստատելու մասին» հրամանագիրը: Ըստ այդմ՝ դատապարտյալների ներման խնդրագրերի վերաբերյալ նյութերն ուղարկվում են գլխավոր դատախազին կամ ազգային անվտանգության ծառայության տնօրենին՝ մեկամսյա ժամկետում եզրակացություն տալու համար։ Ներման խնդրագրերը նախքան հանրապետության նախագահի քննարկմանը ներկայացնելը, նախապես քննարկվում են նրա կողմից ստեղծված հանձնաժողովում:
Մանրամասները՝ տեսանյութում:
