20.02.2026 | 16:46
ՀՀ փոխվարչապետն ու Վրաստանի էկոնոմիկայի նախարարն անդրադարձել են «Խաղաղության խաչմերուկ» նախաձեռնությանը
Չտեսանք՝ Սաշիկ Սարգսյանի 50 տոկոսի մասով մի գործ հարուցվեր, հասկանայինք՝ կարմիր գծերն ո՞ւմն էին. Թագուհի Թովմասյան. ՏԵՍԱՆՅՈՒԹ
Քաղաքականություն
02.02.2021 | 17:47
Ես պատգամավոր ընտրվելու օրվանից այդ հարցը բարձրաձայնում եմ բոլոր քննարկումների ժամանակ: Այս մասին ԱԺ-ում լրագրողների հետ զրույցում ասաց «Իմ քայլը» խմբակցության պատգամավոր Թագուհի Թովմասյանը՝ անդրադառնալով դիտարկմանը, որ նախկինում, երբ այս իշխանություններն ընդդիմադիր էին, և նաև հեղափոխության ընթացքում հայտարարում էին մի շարք անձանց անուններ, որոնց մեղադրում էին թալանի, այլ հանցանքների ու զանցանքների մեջ, սակայն հիմա այդ անձանցից որևէ մեկը դատապարտված չէ:
«Շատ քիչ վճիռներ ունենք, որոնք օրինական ուժի մեջ են մտել: Օրինակ՝ մենք չտեսանք՝ Սաշիկ Սարգսյանի 50 տոկոսի մասով մի գործ հարուցվեր, հասկանայինք՝ կարմիր գծերն ո՞ւմն էին, արագաչափերն ո՞ւմն էին: Շատ պատգամավորներ կան, որ հարցնում էին՝ ինչո՞ւ չդատվեց Սաշիկ Սարգսյանը:
Մարդիկ վստահություն տալով իշխանություններին՝ հասցրեցին խորհրդարան, և հիմա ունենք կոտրված տաշտակ, որևէ սպասում չի արդարացել կամ արդարացել է շատ փոքր տոկոսով»,- նշեց պատգամավորը:
Մանրամասները՝ տեսանյութում:
