17.07.2026 | 22:56
Հայաստանի համար էբոլայի ներթափանցման և տարածման ռիսկը շարունակում է գնահատվել ցածր. ՀՎԿԱԿ
Դավիթ Գալստյանը կալանավորվեց
Հասարակություն
02.02.2021 | 16:35
Երևանի ընդհանուր իրավասության դատարանի Կենտրոնի նստավայրում, նախագահությամբ դատավոր Մնացական Մարտիրոսյանի, բավարարվեց ԱԱԾ-ի միջնորդությունը․ ըստ այդմ՝ ՊՆ նախկին նախարարի խորհրդական, Royalsys Engineering ընկերության նախագահ ու բաժնետեր Դավիթ Գալստյանը կկալանավորվի։
Հիշեցնենք, որ Ազգային անվտանգության ծառայությունը հաղորդագրություն է տարածել այն մասին, որ Դավիթ Գալստյանը նախնական համաձայնության գալով նույն ընկերության տնօրեն Ա. Բ.-ի հետ, ի սկզբանե առանձնապես խոշոր չափերի գումար հափշտակելու դիտավորությամբ, ընկերության անունից ՀՀ պաշտպանության նախարարության հետ կնքել է պայմանագիր, որի համաձայն՝ ընկերությունը պարտավորություն է ստանձնել 2018 թվականի ընթացքում, ՀՀ ԶՈՒ ԳՇ կարիքների համար մատակարարել 1983-1986 թթ. արտադրության հրանոթի համապատասխան տրամաչափի կրակոցներ, սակայն մատակարարվել է կնքված պայմանագրի առարկային չհամապատասխանող գույք:
Կնքված պայմանագրի հիման վրա ընկերության հաշվին է փոխանցվել առանձնապես խոշոր չափերի՝ 523.089.000 ՀՀ դրամին համարժեք, 1.083.000 ԱՄՆ դոլար՝ այդ կերպ խարդախությամբ հափշտակվել է առանձնապես խոշոր չափերի հիշյալ գումարը: Դեպքի առթիվ հարուցվել է քրեական գործ: Այդ գործի շրջանակում էլ Դավիթ Գալստյանին կալանավորելու միջնորդություն էր ներկայացվել:
