17.07.2026 | 22:56
Հայաստանի համար էբոլայի ներթափանցման և տարածման ռիսկը շարունակում է գնահատվել ցածր. ՀՎԿԱԿ
«Երիտասարդ գեղեցիկ կին եք, մտածեք Ձեր ապագայի մասին». Խաչատուրովը՝ դատավորին․ ՏԵՍԱՆՅՈՒԹ
Հասարակություն
02.02.2021 | 15:00
Երևանի ընդհանուր իրավասության դատարանում՝ նախագահությամբ Աննա Դանիբեկյանի (Շենգավիթի նստավայր), շարունակվում է ՀՀ երկրորդ նախագահ Ռոբերտ Քոչարյանի և մյուսների գործով դատական նիստը։
ՀԱՊԿ նախկին գլխավոր քարտուղար Յուրի Խաչատուրովը, դիմելով դատավորին, նշեց. «Հարգելի՛ դատարան, ինձ զարմացնում է մի փաստ՝ չկա՞ մեր երկրում մեկ այլ դատավոր, որը ձեզանից ավելի շատ ենթարկվող է։ Մենք ռիսկի ենք գնում ձեզանից ինքնաբացարկ պահանջելով:
Ես ձեզ մի խորհուրդ եմ ուզում տալ՝ երբ դուք կհեռանաք խորհդակցական սենյակ, եթե այնտեղ կա հայելի, ավելի լավ, եթե չկա, կարգադրեք, որ ապահովեն, հանեք ձեր դիմակը, նայեք հայելու մեջ ու հիշեք Արմեն Գևորգյանի փաստաբան Էրիկ Ալեքսանյանի խոսքերը. «Ես կատարել եմ հանցագործություն, ինչպե՞ս ես կարող եմ դատել Էրիկ Ալեքսանյանի վստահորդին»»:
Խաչատուրովն ընդգծեց, որ եթե Աննա Դանիբեկյանը հեռանա այս գործի վարույթից, և դատախազությունը խստորեն նեղանա դատավորից, այդ դեպքում խոստանում է, որ կխնդրի իր փաստաբանին լինել նրա պաշտպանը։ «Դուք գեղեցիկ, երիտասարդ կին եք, մի քիչ մտածեք ձեր ապագայի մասին, առողջ եղեք»,- նշեց Խաչատուրովը:
