09.06.2026 | 20:14
ԱՄՆ գործերի ժամանակավոր հավատարմատարը այցելել է Սյունիք
Որևէ դեպքում չի կարելի թույլ տալ փոքր և միջին բիզնեսի արտագաղթը․ Արկադի Խաչատրյան. ՏԵՍԱՆՅՈՒԹ
Տնտեսություն
02.02.2021 | 14:21
Արտակարգ դրության հայտարարումը, լոքդաունը, ապա նաև ռազմական դրությունը չէին կարող ծանրագույն հետք չթողնել մեր տնտեսության վրա: «2020-ի տնտեսությունը. ծանր անկում, վերականգնման թույլ ակնկալիքներ» քննարկման ժամանակ այս կարծիքը հայտնեց ԱԺ «Լուսավոր Հայաստան» խմբակցության պատգամավոր Արկադի Խաչատրյանը:
Պատգամավորի գնահատմամբ՝ ամենազգայունը մարդկանց վարքագծի նկատմամբ հենց ֆինանսական շուկաներն են: Արկադի Խաչատրյանը նկատում է, որ եղել են տատանումներ ավանդների ծավալների, ինչպես նաև տրվող վարկերի առումով, քանի որ անորոշությունների և ռիսկերի պարագայում բանկերն ավելի զգուշավոր են դառնում:
«Այս տարի ակնկալվում է, որ կլինեն չաշխատող վարկերի տոկոսի բավականին ավելացում»,- ասաց Խաչատրյանը:
Նա նաև պնդեց, թե անշարժ գույքի շուկայում այժմ գործարքներ չեն իրականացվում, կամ շատ քիչ են իրականացվում:
Պատգամավորը նկատեց, որ արտագաղթի ռիսկեր կան և ընդգծեց, որ որևէ դեպքում չի կարելի թույլ տալ փոքր և միջին բիզնեսի արտագաղթը:
