08.06.2026 | 06:41
Ամփոփվել են 1283 ընտրատեղամասերից ստացված նախնական արդյունքները. ԿԸՀ
Այն կառավարությունը, որն ընդունակ չէ ավելացնել գիտության ֆինանսավորումը, պետք է հեռանա․ Ա․ Իշխանյան. ՏԵՍԱՆՅՈՒԹ
Հասարակություն
01.02.2021 | 15:23
2020-ի աղետից պետք է դասեր քաղել: Այս մասին «Գիտությունը՝ անվտանգության և զարգացման հենասյուն» թեմայով խորհրդարանական լսումների ժամանակ ասաց Ֆիզիկայի ինստիտուտի թղթակից անդամ Արթուր Իշխանյանը:
«Այն ազգերը, որոնք մոլորակի վրա ասելիք չունեն, կորչելու են: Մենք ընտրության առաջ ենք և պետք է մտնենք մրցակցության մեջ: Բայց անհեթեթ է մտնել մրցակցության մեջ ՀՆԱ-ի 0.25 տոկոս ֆինանսավորմամբ:
Եթե դուք չեք կարող այս կառավարությանը ստիպել, որ գիտության ֆինանսավորումը ավելացվի, ապա դուք պետք է հեռանաք: Այն կառավարությունը, որն ընդունակ չէ կրկնապատկել գիտության ֆինանսավորումը այս 44-օրյա պատերազմի աղետից հետո և չգիտակցել դասերը, պետք է գնա վաստակած հանգստի:
Նա հավելեց, որ բոլոր կառավարություններն են գիտության հանդեպ վատ վարվել. «Ներկա գործող կառավարությունն ավելի վատ… Այն օրենքի նախագիծը այն տեսքով, որը դրվել է շրջանառության մեջ, դա ոլորտի վրա իր ազդեցությամբ հավասարազոր է լինելու Շուշիի հանձնմանը»,- նշեց Իշխանյանը:
Մանրամասները՝ տեսանյութում:
