01.11.2026 | 21:56
Լրագրողներն այցելել են բանակային դիրք ու ամրացված շրջան, հանդիպել Սուրեն Պապիկյանի հետ
Վահան Բադասյանը կալանավորվեց
Հասարակություն
30.01.2021 | 00:04
Երևանի ընդհանուր իրավասության դատարանը, դատավոր Մանվել Շահվերդյանի նախագահությամբ, բավարարեց Արցախի ԱԺ նախկին պատգամավոր Վահան Բադասյանի նկատմամբ կալանավորումը որպես խափանման միջոց ընտրելու մասին ԱԱԾ քննիչի միջնորդությունը։ Այս մասին Factor.am-ին հայտնեց նրա փաստաբան Արայիկ Պապիկյանից։
Փաստաբանը տեղեկացրեց նաև, որ դատարանի որոշումը բողոքարկելու են Վերաքննիչ դատարանում։
Հիշեցնենք՝ ԱԱԾ-ն նախօրեին ձերբակալել էր Վահան Բադասյանին՝ «Եռաբլուր»-ում լրագրողների հետ զրույցում հնչեցրած հայտարարությունների համար։
Բադասյանը լրագրողների հետ զրույցում ասել էր, թե Նիկոլ Փաշինյանին պետք է հեռացնել․ ««Այսինքն՝ դա ենթադրում է, որ թշնամուն մենք պետք է վերացնենք… այո՛, նաև զենքի միջոցով… այո՛, ես սպառնալիքի կոչեր եմ անում և գիտակցաբար եմ անում, թող ԱԱԾ-ն ինձ ձերբակալի»։
