01.08.2026 | 19:54
«Ուժեղ Հայաստան» խմբակցության ղեկավար է ընտրվել Նարեկ Կարապետյանը, խմբակցության քարտուղար՝ Տիգրան Աբրահամյանը
Ղազախստանն ու Թուրքիան քննարկել են թյուրքալեզու պետությունների գագաթնաժողովի անցկացումը
Քաղաքականություն
28.01.2021 | 16:02
Թուրքիայի փոխնախագահ Ֆուաթ Օքթայն ու Թուրքիայում Ղազախստանի դեսպան Աբզալ Սապարբեկուլին Անկարայում հանդիպման ժամանակ քննարկել են թյուրքալեզու պետությունների ոչ պաշտոնական գագաթնաժողովի նախապատրաստումը, որը նախատեսվում է անցկացնել Ղազախստանի Թուրքեստան քաղաքում։ EurAsia Daily-ի փոխանցմամբ՝ այս մասին հայտնել են Ղազախստանի ԱԳՆ-ից։
«Քննարկվել են նաև Թուրքեստանում թյուրքալեզու պետությունների ոչ պաշտոնական գագաթնաժողովի անցկացման, ներդրումային համագործակցության, մասնավորապես` երկկողմ ներդրումները խթանելու լրացուցիչ մեխանիզմների, այս ոլորտում համագործակցության ընդլայնման ուղիները», – տեղեկացրել են Ղազախստանի ԱԳՆ-ից:
Թուրքեստանում թյուրքալեզու պետությունների ոչ պաշտոնական գագաթնաժողովը պետք է անցկացվեր 2020 թվականին, սակայն համաճարակի պատճառով այն հետաձգվել է: Ղազախստանի առաջին նախագահ Նուրսուլթան Նազարբաևը ավելի վաղ հույս էր հայտնել, որ հանդիպումը կարող է տեղի ունենալ այս տարվա գարնանը:
Տաթև Ֆռանգյան
